Meðalverð fyrir hótelherbergi á Íslandi í kringum sólmyrkvann var á bilinu 120 til 130 þúsund krónur nóttina, sem er helmingi hærra en verðið á sama tíma á síðasta ári samkvæmt umfjöllun bandaríska fjölmiðilsins CNBC. Íslensku hótelin vildu þó fjórfalt hærra verð fyrr um sumarið, en þurftu að lækka verð þegar dró nær sólmyrkvanum.

Skammtímaleiga [t.d. AirBnb] var enn hærri, eða 1172 dollarar nóttina, sem gera um 144 þúsund krónur, og var 178 prósentum dýrari en á sama tíma fyrir ári. Sömu sögu var að segja í öðrum löndum þar sem sást til sólmyrkvans, svo sem í borginni Bilbao á Spáni þar sem meðalverðið fyrir skammtímaleigu var 1000 dollarar, sem var rúmlega 200 prósentum dýrara en árið áður.

Íslensk hótel þurftu að lækka verðið

Hótelherbergin voru þó nokkuð lægri á Spáni en á Íslandi, eða um 315 dollarar, sem eru um 40 þúsund krónur íslenskar, sem er 35 prósentum hærra …