Jens-Frederik Nielsen, forsætisráðherra Grænlands, fordæmdi á fimmtudag „ósæmilegar“ tilraunir Bandaríkjamanns til að greiða heimamönnum 200.000 dollara á mann fyrir að skrifa undir áskorun þar sem þess er krafist að Grænland gangi í Bandaríkin.

Donald Trump forseti hefur ítrekað sagt að Bandaríkin þurfi að innlima danska sjálfstjórnarsvæðið til að tryggja þjóðaröryggi. „Erlendur einstaklingur býður peninga fyrir undirskrift til að innlima Grænland í annað land. Það er ekki bara mikið áhyggjuefni. Það er ósæmilegt,“ skrifaði Nielsen á Facebook. „Svona kemur maður ekki fram við þjóð. Og svona talar maður ekki um land.“

Grænlenska útvarpsstöðin KNR greindi frá því á fimmtudag að „dularfullur Bandaríkjamaður“ sem kallaði sig „Cliff“ hefði boðið leigubílstjóra í Nuuk, höfuðborg Grænlands, 200.000 dollara fyrir að skrifa undir áskorunina. Leigubílstjórinn, Danny Brandt, sagði við KNR að hann hefði hafnað tilboðinu. 

Brandt skrifaði færslu á samfélagsmiðlum þar sem hann tjáði sig um atvikið og í athugasemdakerfinu lýsti annar einstaklingur því að …