„Við þurfum að fá svör frá borginni um það hvor talan sé rétt,“ segir Hildur Björnsdóttir, oddviti Sjálfstæðisflokksins, um loðin svör borgarstjóra um uppbyggingu íbúða í Grafarvogi.

Á fundi borgarstjóra með íbúum Grafarvogs síðastliðinn mánudag var Heiða Björg Hilmarsdóttir borgarstjóri Reykjavíkur spurð af íbúum um misræmi í því sem íbúum hefur verið kynnt og því sem fram kemur í áætlunum borgarinnar. 

Í húsnæðisáætlun Reykjavíkurborgar kemur fram að til standi að reisa 523 íbúðir í hverfinu á næstu tíu árum, en aðeins örfáum mánuðum áður en áætlunin var samþykkt var íbúum tilkynnt að draga ætti úr íbúðauppbyggingu og var talan 340 íbúðir nefnd í því samhengi.

Í stað þess að svara spurningu íbúans fullyrti borgarstjóri að þessar tölur væru rangar hjá íbúum og gaf engin önnur svör.

Djúpstæðari vandi

Í húsnæðisáætlun borgarinnar kemur sannarlega fram að borgin stefni á að reisa 523 íbúðir í hverfinu á næstu tíu árum. En …