Hvorki lög­reglan á Suð­ur­landi né stjórn­endur Slát­ur­fé­lags Suð­ur­lands vilja veita upp­lýs­ingar um banaslys sem varð á bíla­stæði félags­ins á Hvols­velli 30. des­em­ber síð­ast­lið­inn. 

Lög­reglan til­kynnti um málið á Facebook í dag. 

„Að kvöldi 30. des­em­ber síð­ast­lið­inn barst Lög­regl­unni á Suð­ur­landi til­kynn­ing um alvar­legt slys á Hvols­velli, þar sem kona á fer­tugs­aldri varð fyrir bif­reið á vinnu­svæði,“ sagði í til­kynn­ing­unni. 

„Konan var flutt á Land­spít­ala háskóla­sjúkra­hús og var hún þar úrskurðuð látin. Tildrög slyss­ins eru til rann­sóknar hjá rann­sókn­ar­deild lög­regl­unnar á Suð­ur­landi. Ekki er að vænta frek­ari upp­lýs­inga frá lög­reglu um atvikið.“

Stjórn­endur Slát­ur­fé­lags Suð­ur­lands í höf­uð­stöðvum og á skrif­stofu félags­ins á Hvols­velli hafa neitað að gefa frek­ari upp­lýs­ingar um málið, þar á meðal hvort um hafi verið að ræða starfs­mann félags­ins, íbúa á svæð­inu eða annað sem við­kemur atvik­inu, annað en að kona á fer­tugs­aldri hafi lát­ist.