Donald Trump Bandaríkjaforseti skoraði á Volódýmýr Selenskí Úkraínuforseta að samþykkja skilmála Rússlands til að binda enda á innrásarstríðið á eldfimum fundi í Hvíta húsinu á föstudag og varaði við því að Vladimír Pútín hefði sagt að hann myndi „eyða“ Úkraínu ef hún féllist ekki á kröfur Rússa, að því er Financial Times greinir frá.
Trump hafði fyrir fundinn rætt um möguleikann á að afhenda Úkraínu Tomahawk-stýriflaugar sem draga langt inn í Rússland og gætu breytt vígstöðu Úkraínu til hins betra. Hann hætti við það eftir „vingjarnlegt“ símtal við Pútín Rússlandsforseta daginn fyrir fundinn.
Samkvæmt heimildarmönnum sem voru upplýstir um viðræðurnar endaði fundurinn ítrekað sem „hávaðarifrildi“ og Trump var „stanslaust að blóta“. „[Pútín] sagði að þetta væri „sérstök aðgerð, ekki einu sinni stríð,“ er Trump sagður hafa fullyrt á fundinum.
„Ef hann [Pútín] vill það, mun hann eyða ykkur,“ á Trump til viðbótar að hafa sagt við Selenskí, að sögn evrópsks embættismanns sem þekkir til fundarins.
Heimildarmenn sögðu að Trump hefði hent kortum af víglínunni til hliðar, sagst kominn með „ógeð“, haldið því fram að Selenskí ætti að láta allt Donbas-svæðið af hendi til Rússlands og ítrekað endurtekið röksemdir sem Pútín setti fram í símtali þeirra daginn áður. „Þessi rauða lína, ég veit ekki einu sinni hvar þetta er. Ég hef aldrei komið þangað,“ á Trump að hafa sagt, og bætt við að rússneska hagkerfið væri „í frábæru standi“ þrátt fyrir að hann hafi nýverið sagt opinberlega að „hagkerfið væri að fara að hrynja“.
Pútín gerði Trump nýtt tilboð á fimmtudag þar sem Úkraína myndi afsala sér þeim hlutum Donbas-héraðsins í austri sem hún ræður yfir í skiptum fyrir nokkur lítil svæði í suðurhéruðunum tveimur við víglínuna, Kherson og Zaporizhzhia.
Að sögn FT studdi Trump síðar hugmynd um að frysta stöðuna á núverandi víglínum, en fjandsamlegur tónn fundarins endurspeglaði óstöðuga afstöðu forsetans til stríðsins og tilhneigingu hans til að taka undir hámarkskröfur Pútíns.
Selenskí og teymi hans mættu í Hvíta húsið í þeirri von að fá langdrægar Tomahawk-skotflaugar frá Bandaríkjunum, en Trump hafnaði beiðninni. Hvíta húsið og skrifstofa úkraínskra forseta svöruðu ekki strax beiðnum um athugasemdir, að sögn FT.
Í viðtali á Fox News á sunnudag sagðist Trump bjartsýnn á að binda endi á átökin og bætti við að Pútín væri „að fara að taka eitthvað, hann hefur unnið sér tiltekið land“.
FT greinir einnig frá því að Pútín hafi á fimmtudag lagt fyrir Trump nýtt tilboð: að Úkraína afhenti þá hluta Donbas í austri sem hún heldur enn, gegn því að fá lítil landsvæði á suðurvígstöðvunum í Kherson og Saporisja. Það væri tilslökun frá tilboði sem Pútín setti fram í fundi með Trump í Alaska í ágúst, þar sem hann vildi frysta víglínuna annars staðar ef Úkraína afhenti Donbas. Financial Times
Úkraínskir og evrópskir embættismenn sem FT ræddi við segja að slík eftirgjöf í Donbas komi ekki til greina: „Að gefa [Donbas] til Rússlands án bardaga er óásættanlegt fyrir úkraínsku þjóðina, og Pútín veit það,“ sagði Oleksandr Merezhko, formaður utanmálaráðs þingsins í Kænugarði. Hann sagði að Pútín ýtti hugmyndinni „til að valda sundrungu innan Úkraínu og grafa undan einingu okkar“. „Þetta snýst ekki um að fá meira landsvæði fyrir Rússa, þetta snýst um hvernig á að eyða okkur innan frá,“ bætti hann við.
Þrír aðrir evrópskir embættismenn sem fengu upplýsingar um fundinn staðfestu að Trump hefði varið stórum hluta fundarins í að áminna Selenskí, endurtaka rök Pútíns og hvetja hann til að samþykkja rússneska tilboðið. „Selenskí var mjög neikvæður“ eftir fundinn, sagði einn embættismannanna, og bætti við að evrópskir leiðtogar væru „ekki bjartsýnir en raunsæir“ um næstu skref.
Í yfirlýsingu á sunnudag sagði Selenskíj að „afdráttarlaus skref“ þyrfti frá Bandaríkjunum, Evrópu og G20- og G7-ríkjum til að binda endi á stríðið.
DT telur sér allar leiðir færar að ákveða örlög heilla þjóða. Með stuðningi hans hefur hann anað Benjamin Natanyaho út í að fremja mjög alvarlega stríðsglæpi fyrr botni Miðjarðarhafsins. Og sama virðist vera uppi á tengi gnum varðandi Pútín sem virðist hafa ótrúlega mikil áhrif á DT.
Það var mjög furðuleg ákvörðun DT að ákveða að gtta þátttöku BNA í rekstri WHO og UNESCO. I hans huga er ófriður meira áríðandi en friðsamlegt samstarf alþjóðasamfélagsins á vegum Sameinuðu þjóðanna. Fyrrum voru forsetar BNA frmur friðsamir þó nokkrir gerðust býsna herskáir og má nefna Richard Nixon, Lyndon B. Johnseon og jafnv el Bush feðgana sem önuðu út í mjög umdeilda innrás í Írak á sínum tíma á vægast sagt mjög veikum forsendum.
Nú er spurning um NATÓið. Við erum aðilar að þeim ósköpum siðan 1949 og margir telja það sjálfsagt mál en hafa á móti aðild að Evrópusambandinu einhverra hluta vegna. Þau eru allt annars eðlis, eru fremur viðskiptalegs eðlis og menningarlegs. En hernaður og hergagnaframleiðsla virðist vera megininntakið í nútímasamfélaginu og rugla sem flesta í ríminu. Öfgarnar hafa smám saman verið að grípa undirtökin í samfélaginu.