„Meðlimir veðurklúbbsins [voru] sammála um að síðasta spá hafi gengið eftir þar sem spáð var fyrir mildum maí. Maímánuður var sannarlega mildur og hlýr, hlýjasti maímánuður á landsvísu frá upphafi mælinga og hitamet slegin á flestum veðurstöðvum landsins.“
Þetta segir í fundargerð frá júnífundi Veðurklúbbs Dalbæjar – sem er hjúkrunarheimili á Dalvík. Fundinn sóttu átta manns á aldrinum 60–92 ára – bæði íbúar og fólk í dagþjálfun á Dalbæ. Meðlimirnir hittast alla jafna í upphafi hvers mánaðar, en klúbburinn hefur verið starfandi síðastliðna þrjá áratugi.
Á síðasta fundi ályktuðu meðlimir klúbbsins að í ljósi þess að nýtt tungl hefði kviknað þann 27. maí kl. 03:02 í norðri þýddi það að það mætti eiga von á sunnanáttum í júní. Þá spáði klúbburinn því að sú kröftuga lægð og norðanátt sem hefði einkennt upphaf júnímánaðar færi hægt yfir en þegar nær drægi miðjum mánuði ætti að fara að fara …
Athugasemdir (1)