Lög­reglan á höf­uð­borg­ar­svæð­inu á leitar eftir myndefni frá veg­far­endum sem óku um Krýsu­vík­ur­veg, á milli Valla­hverfis í Hafn­ar­firði og Vig­dís­ar­valla­vegar, síð­ast­lið­inn sunnu­dag á milli kl. 13 og 18. Þetta kemur fram í til­kynn­ingu frá emb­ætt­inu vegna rann­sóknar á and­láti 10 ára stúlku en faðir hennar var hand­tek­inn og úrskurð­aður í gæslu­varð­hald vegna máls­ins.

„Mörg öku­tæki eru búin mynda­vélum og því við­búið að myndefni frá umræddum veg­ar­kafla á áður­nefndum tíma sé að finna í fórum ein­hverra. Hinir sömu eru vin­sam­leg­ast beðnir um að senda upp­lýs­ingar um slíkt á net­fangið abending@lrh.is og gefa þar upp bæði nafn sitt og síma­númer. Í fram­hald­inu verður haft sam­band við við­kom­andi,“ segir í til­kynn­ingu lög­regl­unnar.

Stúlkan fannst látin í hrauni gegn Vatns­skarðs­námu við Krýsu­vík­ur­veg. Faðir hennar, Sigurður Fannar Þórsson, var hand­tek­inn eftir að hann hafði sjálfur sam­band við lög­reglu. 

Hann hefur einn stöðu sak­born­ings við rann­sókn máls­ins en háværar sögu­sagnir hafa verið í gangi í sam­fé­lag­inu um annað. 

Lögregla hefur beint því til fólks að hafa sam­band ef það hefur eitt­hvað í hönd­unum sem gæti komið að notum við rann­sókn máls­ins.