„Mér fannst það mjög skrýtið sem krakki að henda hlutum í ruslið. Ég skildi ekki alveg hvernig það voru enda­lok hluta,“ segir Hrefna Björg Gylfa­dóttir, teym­is­þjálfi og verk­efna­stjóri hjá Marel. Fyrir henni er það ekki eðli­leg hegðun að henda öllu í ruslið og líða allt í lagi með það. „Það er fyrsta minn­ingin mín um umhverfið.“ 

Sjálf­bærni er stór hluti af dag­legu lífi Hrefnu og hefur verið frá ung­lings­árum þegar hún barð­ist fyrir því að fá skól­ann sinn, Breið­holts­skóla, til að taka þátt í græn­fána­verk­efn­inu, alþjóð­legu umhverf­is­mennta­verk­efni sem rekið er af Land­vernd, fyrir tæpum 20 árum. „Fyrir það vorum við ekki að end­ur­vinna en þarna byrj­uðum við að end­ur­vinna pappír, plast, flöskur og dósir. Síðan þá hefur það verið stór partur af lífi mínu og að minnka neyslu, sér­stak­lega eftir að ég fór í háskóla­nám og upp­götv­aði að þetta er sam­fé­lags­vanda­mál, ekki eitt­hvað sem bara ég þarf að passa,“ …