Alcoa Fjarðaál, Norðurál, Icelandair, Elkem og Rio Tinto Alcan eru þau fyrirtæki sem losa mest af gróðurhúsalofttegundum á Íslandi, eða samanlagt 2,1 milljón tonn af koldíoxíðígildum, eða CO2-íg.
Fyrirtækin eru öll innan ETS-kerfisins, viðskiptakerfi Evrópusambandsins með losunarheimildir. Umhverfis- og orkustofnun fer með umsjón kerfisins hér á landi og heldur utan um losun fyrirtækjanna. Fyrir utan Ísland taka Noregur, Liechtenstein og auðvitað aðildaríki ESB þátt.
Ál- og kísilverin eru í fimm af sex efstu sætunum en í hópinn bætist PCC Bakki sem lagðist að mestu leyti af í fyrra. Þegar litið er til heildarlosunar Íslands án landnotkunar fyrir árið 2024 var hún 4,8 milljón tonn af CO2-íg en ál- og kísilverin fimm stóðu á bak við tæp 40 prósent af þeirri losun. Hlutdeild Icelandair er ekki tekin með hér þar sem alþjóðaflug reiknast ekki til heildarlosunar Íslands.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
https://ust.is/loft/losun-grodurhusalofttegunda/bradabirgdatolur-um-losun-grodurhusalofttegunda-2024/
Svo var losun íslenskra flugfélag innan ETS-kerfis ESB um 636 þús tonn, en við bætist svo losun innan Bretlands og Sviss, sem bæði reka eigið ETS kerfi, sem er beintengt því sem gildir innan EES.
Þannig var losun frá flugi Icelandair 445 þús tonn innan ESB-ETS, en 492 þús tonn samtals þegar losun Icelandair frá Bretland og Sviss eru tekin með. Icelandair losar svo yfir tæplega 1,2 milljón tonn CO2 árlega fyrir alla sína starfsemi, sem slagar upp í losun frá stóriðjunni. Eitt skipafélag sem skráð er á Íslandi, Eimskip, losar svo 280 þús tonn, þar af tæp 100 þús tonn sem falla undir ETS kerfið.