Hraun hefur náð í byggð í Grindavík og íbúar í Grindavík fylgjast nú með efstu húsunum í bænum fara undir glóandi hraunið. Tvö hús standa í ljósum logum á meðan hraunið rennur áfram niður bæinn.
Fyrr í morgun ræddi Heimildin við Sigurbjörgu Vignisdóttur sem býr í næstu götu fyrir neðan sem lýsti því hversu sárt væri að fylgjast með þessu gerast í beinni útsendingu. Í raun skipti ekki máli hvaða hús færi undir, heldur gilti eitt fyrir alla. „Um leið og eitt hús fer þá hafa hörmungarnar dunið á okkur öllum.“
Fjölskyldan var öll samankomin og lýsti Sigurbjörg áfallinu. „Nú er ég bara dofin, hjartað er á fullu og ég kaldsvitna. Ég er að átta mig á því að bærinn er að fara undir hraun.“
Kjósa
Hvernig finnst þér þessi grein? Skráðu þig inn til að kjósa.
Athugasemdir (1)
Skráðu þig inn til að skrifa athugasemd eða kjósa.
Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.
Tengdar greinar
Jarðhræringar við Grindavík
Þriðja lengsta gosi frá aldamótum lokið
Eldgosinu við Sundhnjúka, því sem staðið hefur yfir síðustu 54 daga, er lokið að sögn sérfræðinga Veðurstofunnar. Annað mun að öllum líkindum hefjast fljótlega.
Hvað gerðist í Grindavík 10. nóvember?
Raunveruleg atburðarás örlagadaginn 10. nóvember í Grindavík hefur verið á reiki. Hvað flokkast undir hættuástand og hvers vegna var Grindavík ekki rýmd um leið og skjálftavirkni tengd kvikuhreyfingum færðist undir byggðina? Heimildin greinir atburðarásina og leitar svara hjá almannavörnum.
Íbúum leyft að dvelja næturlangt í Grindavík þótt lögreglan mæli ekki með því
Frá og með morgundeginum verður íbúum og fólki sem starfar hjá fyrirtækjum í Grindavík heimilt að fara í bæinn og dvelja þar næturlangt. Í nýlegri fréttatilkynningu lögreglustjórans á Suðurnesjum er greint frá þessu. Íbúar eru þó varaðir við að innviðir bæjarins séu í lamasessi og sprungur víða. Bærinn sé því ekki ákjósanlegur staður fyrir fjölskyldur og börn.
Rak ýtuna í hraunið: „Ég varð bara að prófa“
Þröstur Kjaran Elísson vélamaður starfar við gerð varnargarða í Svartsengi. Hann er duglegur að deila myndböndum af aðgerðum á Facebook-síðu sinni. Á einu þeirra má sjá Þröst pota í hraunið með jarðýtu sinni. Þetta gerði hann við störf sín á fimmtudagskvöldið þegar enn gaus í Svartsengi.
Tímabært að verja Reykjanesbraut
Þorvaldur Þórðarson eldfjallafræðingur segir að það sé tímabært að huga að vörnum fyrir Reykjanesbrautina og aðra innviði á Suðurnesjum. Atburðarásin á fimmtudag, þegar hraun rann yfir Grindavíkurveg og hitavatnsleiðslu HS Veitna, hafi verið sviðsmynd sem búið var að teikna upp. Hraun hafi runnið eftir gamalli hraunrás og því náð meiri hraða og krafti en ella.
Í Grindavík er enn 10. nóvember
Það er nógu leiðinlegt að flytja, þegar maður velur sér það sjálfur, hvað þá þegar maður neyðist til þess. Og hvernig velur maður hvað eigi að taka með sér og hvað ekki, þegar maður yfirgefur stórt einbýlishús með tvöföldum bílskúr fyrir litla íbúð með lítilli geymslu? Fjölskyldan á Blómsturvöllum 10 í Grindavík stóð frammi fyrir þeirri spurningu síðastliðinn sunnudag.
Milljörðum spreðað í að verja einkafyrirtæki.
En EKKERT gert til að verja eigur einstaklingana!
Því var ekki búið að staðsetja öflugar dælur við jaðar Grindavíkur ?
Stutt í ískaldann sjóinn og reyna að stýra hraunfæðinu frá bænum, eins og gert var í Vestmannaeyjum á sínum tíma.
Svo maður tali nú ekki um að rusla upp varnargörðum, eins og gert var fyrir einka fyrirtækin þeim að kostnaðarlausu.
Og þjóðin látin borga brúsann fyrir auðrónana!