Formaður BHM: „Ég er ekki farin að spá verkföllum“

Efling vinnur nú að því að reyna að tryggja að öll aðild­ar­fé­lög Alþýðu­sam­bands Íslands (ASÍ) fari saman í kjara­við­ræð­urnar á kom­andi ári. Þetta sagði Sólveig Anna Jóns­dóttir, for­maður Eflingar, í nýjasta þætti af Pressu á Heim­ild­inni.

Þar ræddi hún kom­andi kjara­við­ræður og þær áskor­anir sem aðilar vinnu­mark­að­ar­ins standa frammi fyrir vegna þeirra ásamt Sonju Ýr Þor­bergs­dóttur, for­manni BSRB, og Kolbrúnu Hall­dórs­dóttur, for­manni BHM. Sólveig Anna sagði sam­starf breið­fylk­ingar innan ASÍ þó ekki vera tryggt enn sem komið er. Nið­ur­staða um hvort að því verði mun liggja fyrir á þriðju­dag.

Að sögn Sól­veigar Önnu er ASÍ sam­an­safn af fjöl­breyttum og ólíkum hópum. Þar inn­an­borðs er verka- og lág­launa­fólk, hálauna­fólk og allt þar á milli. „Það sem við höfum verið að reyna að vinna að er hvort að við getum náð sam­komu­lagi innan Alþýðu­sam­bands­ins, hvaða leið skuli fara í launa­liðnum.“

Kaupmáttaraukning

Kolbrún, for­maður BHM, sagði það launa­fólk sem hafi lagt á sig lengst nám, og komi þar af leið­andi síð­ast út á vinnu­mark­að­inn með erfið námslám á bak­inu, þurfi að fá kaup­mátt­ar­aukn­ingu í kom­andi samn­ingum. 

Sólveig Anna telur hins vegar að það gangi ekki upp að háskóla­fólk eða hærri laun­aðir hópar á land­inu kenni kjara­bar­áttu verka- og lág­launa­fólks um sína kaup­mátt­arrýrnun „Sú kaup­mátt­arrýrnun sem er að eiga sér stað á Íslandi hefur nátt­úru­lega ekk­ert að gera með kjara­bar­áttu lág­launa­fólks heldur hefur að gera með vaxt­ar­stig og verð­bólgu.“

Sonja Ýr sagði í þætt­inum að það yrði að tryggja að fólk nái endum saman. Það sé eitt að búa við mann­sæm­andi lífs­skil­yrði og kaup­máttur sé svo annað. „Það er stór hluti mark­að­ar­ins sem er að störfum en býr við fátækt.“

Verkalýðsbarátta alltaf í eðli sínu átök 

„Ábyrgðin á verð­bólgu­bál­inu verður aldrei sett á herðar launa­fólks. Þegar ég segi launa­fólk þá meina ég allt launa­fólk,“ sagði Kolbrún. „Á Íslandi vill svo til að við höfum náð tals­vert miklum jöfn­uði og þegar við berum okkur saman við Norð­ur­löndin, þá stöndum við okkur bara mjög vel. Það er hvergi meiri jöfn­uður í ráð­stöf­un­ar­tekjum á Norð­ur­lönd­unum heldur en á Íslandi. Svo við höfum bara náð fínum árangri.“  

Sólveig Anna sagði að það yrði erf­ið­ara að fá stjórn­völd að borð­inu ef verka­lýðs­fé­lögin fari öll í sitt­hvoru lagi að samn­inga­borð­inu í kom­andi kjara­við­ræðum. Kolbrún benti á að verka­lýðs­bar­áttu væri í eðli sínu alltaf  átök og að það muni ekki breyt­ast. Hún sagði BHM vilja forð­ast að það verði ekki hægt að ná samn­ingum þar sem þau eru við samn­inga­borð til að ná samn­ingum milli samn­inga aðila, til að takast á við um ólík sjón­ar­mið. „Átök verða eflaust, en ég er ekki farin að spá verk­föllum,“ segir Kolbrún.