Lögreglustjórinn sér „ekki alveg fyrir að við hleypum fólki þarna inn“

Vonir standa til hægt verði að hleypa Grind­vík­ingum stutta stund heim til sín til að sækja nauð­synjar og huga að dýrum sínum, sagði Víðir Reyn­is­son yfir­lög­reglu­þjónn í morgun. Slíkt yrði gert sam­kvæmt nákvæmu skipu­lagi sem verður kynnt betur þegar nýtt hættu­mat á svæð­inu liggur fyrir. Úlfar Lúð­víks­son, lög­reglu­stjóri á Suð­ur­nesjum, sagði hins vegar að ekk­ert hefði verið ákveðið í þessum efnum og að „það ágæta fólk sem býr í Grinda­vík“ þurfi að sýna þol­in­mæði. „Ef það er yfir­vof­andi hætta í Grinda­vík þá sé ég ekki alveg fyrir að við hleypum fólki þar inn,“ sagði hann við RÚV.

Rólegt hefur að mestu verið yfir skjálfta­svæð­inu síð­ustu klukku­stundir, það er að segja, fáir skjálftar yfir 3 að stærð. Rétt eftir klukkan 8 í morgun varð þó 3,7 stiga skjálfti um sex kíló­metrum suður af Reykja­nestá. Sá er tal­inn hafa verið svo­kall­aður gikk­skjálfti.

Sigríður Krist­jáns­dóttir, nátt­úru­vá­r­sér­fræð­ingur á Veð­ur­stofu Íslands, segir að enn sé þó stöðug skjálfta­virkni, lang­mest við kviku­gang­inn. „Við höfum séð það í fyrri gosum að skjálfta­virknin hefur minnkað jafn­vel tals­vert áður en kvikan kemur upp á yfir­borðið.“

Stjörnu­kortGrænu stjörn­u­rnar eru skjálftar sem eru 3 stig og yfir. Svona leit skjálfta­kort Veð­ur­stof­unnar út kl. 10.30 að morgni sunnu­dags­ins 12. nóv­em­ber. Kortið sýnir skjálfta síð­ustu 2 sól­ar­hring­ana.

Mynd: Veð­ur­stofan

Veð­ur­stofan hefur varað við því að vegna mik­illar spennu­los­unar á svæð­inu sé ekki hægt að gera ráð fyrir að gos­órói mælist áður en eld­gos hefst. Líkön sýna 15 kíló­metra kviku­gang sem liggur rétt norð­vestan Grinda­víkur. Hann liggur allt frá Kálf­fells­heiði í norðri og út í sjó suður af Grinda­vík.

Stöðu­fundur sér­fræð­inga fór fram í morgun og í kjöl­far hans stóð til að funda með með helstu við­bragðs­að­ilum. Í kjöl­far hans munu mál von­andi skýr­ast, hvort og hvenær íbúum verður leyft að fara örstutt heim til sín.