„Ég er ekki búinn að fara í bað í marga mánuði. Þegar maður býr í gistiskýlinu er maður oft svo búinn á því. Ég meika ekki einu sinni að éta,“ segir Njáll Skarphéðinsson sem er heimilislaus. Hann er staddur á Austurvelli sem oftar, og bendir á styttuna af Jóni Sigurðssyni með orðunum: „Hann sagði: „Hér stend ég og get ekki annað.“ En ég stend hér og get annað,“ segir Njáll.
Honum er mikið niðri fyrir. Heldur á bjór og sígarettu. Kappið hefur þó borið hann ofurliði þennan dag því það var alls ekki Jón Sigurðsson, baráttumaður fyrir sjálfstæði Íslendinga hvers fæðingardagur var síðar gerður að þjóðhátíðardegi, sem sagði þetta heldur Marteinn Lúther, sá er lúterska kirkjan er kennd við. Það var árið 1521 sem þýski munkurinn Marteinn Lúther kom fyrir þingið í Worms, mælti fyrir siðbót sinni og sagði: „Hér stend ég og get ekki annað, svo hjálpi mér guð, …
Kjósa
Hvernig finnst þér þessi grein? Skráðu þig inn til að kjósa.
Tengdar greinar
Heimilisleysi
„Þetta eru tíðindi“ í málefnum heimilislausra
Velferðarsvið Reykjavíkur hefur samþykkt beiðni Samtaka sveitarfélaga á höfuðborgarsvæðinu um samningaviðræður vegna þjónustu við heimilislaust fólk. Reykjavík hefur borið hitann og þungann af þessari þjónustu og varið um milljarði í hana það sem af er ári. Borgin hefur ítrekað kallað eftir því að fleiri sveitarfélög komi að borðinu.
Saka meirihlutann um „þöggunartilburði“ og „lítilsvirðingu“ við málefni heimilislausa
Samfylkingin gagnrýndi meirihluta Sjálfstæðisflokks og Framsóknar í Hafnarfirði þegar kemur að málefnum heimilislausra á síðasta bæjarráðsfundi. Beiðni fjölskylduráðs um aðgang að verklagsreglum um aðgengi fólks með lögheimili í Hafnarfirði að neyðarskýlum í Reykjavík var svarað með óljósu minnisblaði. Enn er ósvarað öllum lykilspurningum um hvernig það gat gerst að heimilislausum manni var vísað frá neyðarskýli að kröfum Hafnarfjarðarbæjar án þess að nokkur þar tæki á móti honum en hann svipti sig lífi í kjölfarið.
Leysum ekki vanda heimilislausra „þótt við leggjum fram einhverjar tillögur um þetta eða hitt“
Rifist var um formsatriði og „tittlingaskít“ í stað þess að ræða neyð heimilislausra á síðasta bæjarstjórnarfundi Hafnarfjarðarbæjar, að mati bæjarfulltrúa Viðreisnar. Þar var tillögum Samfylkingarinnar um aðgerðir vegna málefna heimilislausra vísað frá af meirihlutanum með þeim rökum að sambærilegar hugmyndir væru í vinnslu annars staðar. Bæjarstjóri segir mikilvægt að gera málefni heimilislausra ekki pólitísk. Bæjarfulltrúi Samfylkingar vændi meirihlutann um að ætla að svæfa málið.
„Í besta falli ósmekkleg gaslýsing“ - Segir Hafnarfjarðarbæ hvetja heimilislausa til að færa lögheimilið
„Við skulum ekki gleyma því að Hafnarfjarðarbær hefur einnig margoft boðist til að aðstoða sína borgara við að skrá lögheimili sitt í annað bæjarfélag og jafnvel fyrir greiðslu svo að bærinn losni við að þjónusta fólk og minnki kostnað,“ segir Guðmundur Ingi Þóroddsson, formaður Afstöðu. Hann segist sjálfur hafa setið slíkan fund með skjólstæðingi sem bærinn taldi „óæskilegan borgara“.
„Ekki í boði að úthýsa þeim“ – Kalla eftir svörum frá Hafnarfjarðarbæ um aðgengi að neyðarskýlunum
Málefni heimilislausra voru til umræðu á fundi bæjarráðs Hafnarfjarðarbæjar í gær eftir að heimilislaus maður sem var ítrekað vísað frá neyðarskýli að kröfu bæjarins svipti sig lífi.
„Þetta er síðasta úrræði þeirra sem eru á götunni og eiga við vanda að stríða, og það er ekki í boði að úthýsa þeim,“ segir Guðmundur Árni Stefánsson, oddviti Samfylkingarinnar.
Fjölskylduráð bæjarins hefur kallað eftir að sjá verklagsreglur í þessum málum.
Hafnarfjarðarbær vottar aðstandendum hins látna innilega samúð
„Engum einstaklingi hefur verið vísað frá án boða um önnur úrræði og ráðgjafar sveitarfélagsins boðnir og búnir til að finna leiðir og lausnir í öllum málum,“ segir í svari frá Hafnarfjarðarbæ við fyrirspurn Heimildarinnar vegna heimilislauss manns með lögheimili í Hafnarfirði sem var endurtekið vísað frá neyðarskýli í Reykjavík að kröfu bæjarfélagsins, og svipti sig lífi í lok síðasta mánaðar.
Athugasemdir