Sveitarstjórn Skaftárhrepps hefur ákveðið að fá VSÓ-Ráðgjöf til aðstoðar við afgreiðslu á umsókn um framkvæmdaleyfi fyrir virkjun Hverfisfljóts við Hnútu þar sem ekki sé að sögn sveitarstjórans þekking til staðar í sveitarfélaginu til að taka á svo stóru máli. Hann segir við Heimildina að ekki sé hægt að svara því á þessari stundu hvort jákvætt verði tekið í umsókn um framkvæmdaleyfi, leyfi sem veitt var í fyrra en fellt úr gildi í byrjun árs vegna ýmissa annmarka á afgreiðslu þess.

Ragnar Jónsson, eigandi jarðarinnar Dalshöfða, hefur lengi haft uppi áform um að virkja Hverfisfljót. Virkj­un­ina, 9,3 MW að afli,vill hann reisa í hinu tæp­lega 240 ára gamla eld­hrauni sem rann í Skaft­ár­eld­um, einu mesta eld­gosi Íslands­sög­unnar og þriðja mesta hrauni sem runnið hefur á jörð­inni frá ísald­ar­lok­um. Um þetta var m.a. fjallað í áliti Skipulagsstofnunar á framkvæmdinni. Virkjunin myndi hafa neikvæð áhrif á Skaftáreldahraun sem hefði mikið verndargildi bæði á …