Birna Einarsdóttir fær laun í tólf mánuði eftir að henni var sagt upp sem bankastjóra Íslandsbanka í síðasta mánuði. Alls nemur gjaldfærður kostnaður bankans vegna laun og hlunninda i tengslum við starfslok hennar 56,6 milljónum króna, eða 4,7 milljónir króna að meðaltali á mánuði. Til viðbótar viðheldur Birna réttindum varðandi orlof og lífeyrissjóðsgreiðslur á því tímabili.
Frá þessu er greint í gögnum sem birt hafa verið á vef Íslandsbanka vegna hluthafafundar sem bankinn mun halda 28. júlí næstkomandi. Upplýsingarnar koma fram í svörum við spurningum sem hluthafar hafa sett fram. Birna var með 59,8 milljónir króna í heildarlaun á árinu 2022. Inni í þeirri tölu voru þó líka það mótframlag sem bankinn greiddi í lífeyrissjóð fyrir hana.
Stjórn Íslandsbanka gerði starfslokasamning við Birnu í lok síðasta mánaðar en hafði ekki viljað greina frá innihaldi hans þrátt fyrir beiðnir þar um, meðal annars frá fjárlaganefnd Alþingis.
Í upplýsingunum sem birtar hafa verið á heimasíðu Íslandsbanka segir að samningurinn sem gerður var við Birnu um starfslok hafi verið í fullu samræmi við ráðningarsamning hennar, og rúmast innan starfskjarastefnu bankans sem samþykkt var á síðasta aðalfundi og gildandi lög um fjármálafyrirtæki. „Ráðningarsamningurinn kvað á um tólf mánaða uppsagnarfrest og er gjaldfærsla vegna launa og hlunninda 56,6 milljónir króna. Fara þær greiðslur fram mánaðarlega yfir tólf mánaða tímabil í formi launagreiðslna. Fyrrverandi bankastjóri viðheldur auk þess réttindum varðandi orlof og lífeyrissjóðsgreiðslur á því tímabili. Önnur ákvæði eru jafnframt stöðluð og í samræmi við ráðningarsamning og viðeigandi kjarasamninga.“
Birna er einn þriggja stjórnenda Íslandsbanka sem misstu starfið eftir að sátt bankans við Fjármálaeftirlit Seðlabanka Íslands, vegna umfangsmikilla lögbrota í tengslum við útboð á hlut í honum í mars í fyrra, var birt í síðasta mánuði. Samkvæmt sáttinni var Íslandsbanka gert að greiða tæplega 1,2 milljarða króna í sekt. Það er rúmlega þrettán sinnum hærri sekt en sú næst hæsta sem eftirlitið hefur áður lagt á fjármálafyrirtæki.
Stjórn Íslandsbanka boðaði formlega til hluthafafundar fyrir nokkrum vikum. Sá fundur mun fara fram 28. júlí og á dagskrá verður sáttin sem bankinn gerði við fjármálaeftirlitið og viðbrögð Íslandsbanka við henni, sem hafa verið harðlega gagnrýnd. Þá verður stjórnarkjör á dagskrá en þegar liggur fyrir að þrír stjórnarmenn hafa verið settir af, meðal annars Finnur Árnason sem er stjórnarformaður bankans.
Athugasemdir (5)
Salan á Íslandsbanka
Íslandsbanki mun minna virði en ríkið reiknar með að fá fyrir hann
Ráðherra „enn og aftur að beina fingrinum frá sjálfum sér“
Bjarni segir það Alþingi að kenna að hann hafi ekki gætt að hæfi sínu
Treystir ekki ríkisstjórninni jafnvel þó Bjarni stígi til hliðar
Orðin hans Bjarna: „Ég er miður mín“
Hrægamarnir ur Hruninu 2008 eru komnir a stja og fa að Kaupa eigur Almenings
Kvenar mun hin Kvalda Lalauna stett sem hefur Sultar Laun sem duga ekki lengur Risa upp og mæta a Austurvöll og Reka þessa Rikistjorn Burt. I septenber er timin Mælirinn er fullur. Þetta var gert efir Hrun, Glæpamennirnir sem settu Island a hausin sögðu Guð Blessi Island. Engin var settur i Fangelsi þa. Folk i MASSA VIS misti sinar eignir i Keflavik atti Ybuðalana Sjoður Flest Hus vað Hringbraut TD. Sama var viðar Sparisjoðir fellu og voru Rændir Glitnir fell. Sukk og Svinari og Þjofnaður um bjartan dag. Hrægammarnir eru mættir aftur til leyks. Ekki með Hauspoka Nei þeir kunna ekki að skamast sin.
Island er spilt Land 1 það spiltasta i Evropu. Þegar Þessi Rikistjorn Hröklast fra Væri best að minda Utanþingstjorn. Eins og Vilhjalmur Þor gerði eftir ww2. Eitkvað þarf að breitast.
A ÞESSI KONA AÐ FA 52000000 PLUS FYRIR "VEL" UNNIN STÖRF NEI ÞAÐ ATTI AÐ REKA HANA
STRAX ÞEGAR 18000000 HURFU A SINUM TIMA.
BIRNA VERTU HEIÐARLEG AFÞAKKAÐU SVONA GJÖRNINGA SYNDU DJÖFUNG.
REIKNAÐU UT HVAÐ ÞESSIR PENINGAR ERU MÖRG ARSLAUN VERKAKOLKS.
AÐ SIÐUSTU ÆTLA EG AÐ FA STARFSLOKASAMNING HJA TRYGGINGASTOFUN !!
Í nágrannalöndunum væri stjórnmálaferli hans þess vegna lokið.
Þar vilja stjórnmálaflokkarnir ekki hafa slíka dela í forsvari.