Þessi grein birtist fyrir meira en ári.

Tröllasögur sagðar um tengsl Jóns Guðna við Bjarna

Þrátt fyrir að hafa báðir spilað fótbolta með Stjörnunni í meistaraflokki lágu leiðir Jóns Guðna Ómarssonar bankastjóra Íslandsbanka og Bjarna Benediktssonar fjármála- og efnahagsráðherra ekki saman á grasinu.

28. júlí 2023 · 10:00

Freyr Rögnvaldsson

ritstjorn@heimildin.is

Í eftirleik útboðs hlutar ríkisins í Íslandsbanka, ekki síst eftir að sátt bankans við Fjármálaeftirlitið var gerð opinber, fóru ýmsir orðrómar á kreik um tengsl og spillingu. Þannig barst Heimildinni fjöldi ábendinga um meint náin tengsl Jóns Guðna við Bjarna Benediktsson fjármála- og efnahagsráðherra. Byggðu þær ábendingar helst á því að þeir Jón Guðni og Bjarni hefðu verið samherjar í meistaraflokki Stjörnunnar í knattspyrnu og leikið þar saman á tíunda áratugnum.

Þetta er hins vegar mjög ofsögum sagt. Vissulega léku bæði Jón Guðni og Bjarni með Stjörnunni, Bjarni 73 leiki í allt. Leikir Jóns Guðna urðu hins vegar aðeins fjórir, tveir sumarið 1995 í 2. deild Íslandsmótsins og tveir sumarið eftir, í Sjóvá-Almennra deildinni. Síðustu leikir Bjarna voru hins vegar í Trópí-deildinni árið 1994, enda lenti hann í alvarlegum meiðslum það ár. Í leik gegn KR lenti hann í harðri tæklingu sem olli því að hann lék ekki framar fótbolta, þó hann hafi sumarið eftir, 1995, verið í hópi Stjörnunnar enda Bjarni þá enn að vonast eftir því að jafna sig af meiðslunum. Það gerðist hins vegar ekki.

Spurður hvort hann hafi heyrt af þessum kenningum, um hin miklu meintu tengsl sín við Bjarna, svarar Jón Guðni því glottandi til að það hafi hann ekki gert. „Nei, þetta er í fyrsta skipti sem ég heyri þessa tengingu. Mér finnst þetta mjög skemmtilegar pælingar, hann er held ég 6 eða 7 árum eldri en ég, þannig að ég held að ég hafi aldrei mætt á eina æfingu með honum.“ Þess má geta að Jón Guðni er fæddur 1976 en Bjarni árið 1970.

Kjósa

Hvernig finnst þér þessi grein? Skráðu þig inn til að kjósa.

Deila

Efnisorð

Salan á Íslandsbanka

Athugasemdir (3)

Skráðu þig inn til að skrifa athugasemd eða kjósa.

Baldur Gudmundsson skrifaði
4. ágúst 2023 10:30

Bjarni er helvíti klár karl sem veit sínu viti. Honum verður ekki haggað!

0
Sigga Svanborgar skrifaði
29. júlí 2023 12:06

Hér veldur Heimildin pínu vonbrigðum......auðvitað eru einhver tengsl og eða virðing og aðdáun í fjarska.....Fámenna Íslands elítan mun alltaf finna sér leið....

1
Sigmundur Guðmundsson skrifaði
28. júlí 2023 13:48

*******************************************************************
Bjarni Benediktsson fjármálaráðherra seldi föður sínum hlut í ríkisbanka með afslætti.

Í nágrannalöndunum væri stjórnmálaferli hans þess vegna lokið.

Þar vilja stjórnmálaflokkarnir ekki hafa slíka menn í forsvari.
*******************************************************************

4

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Tengdar greinar

Salan á Íslandsbanka

FréttirSalan á Íslandsbanka

Íslandsbanki mun minna virði en ríkið reiknar með að fá fyrir hann

Á meðan að Alþingi er í leyfi frá þingstörfum vegna forsetakosninga hafa tvö stór mál, tengd sölu á Íslandsbanka og uppgjöri ÍL-sjóðs, verið afgreidd úr nefnd. Hlutur ríkisins í Íslandsbanka hefur fallið skarpt í verði og er nú mun minna virði en fjárlög gera ráð fyrir.

Allt af létta

Ráðherra „enn og aftur að beina fingrinum frá sjálfum sér“

Ekkert nýtt kom fram í máli fyrrverandi fjármálaráðherra á fundi stjórnskipunar- og eftirlitsnefndar í vikunni. Formaður nefndarinnar segir alveg ljóst að ákvörðunin um söluna á Íslandsbanka og fyrirkomulag hennar var og er á ábyrgð ráðherrans.

FréttirSalan á Íslandsbanka

Bjarni segir það Alþingi að kenna að hann hafi ekki gætt að hæfi sínu

Bjarni Benediktsson, fyrrverandi fjármála- og efnahagsráðherra, segir að hann hafi gert ráð fyrir blessun þingsins á að ekki þyrfti að gæta að hæfi hans gagnvart hverjum og einum kaupanda á Íslandsbanka í mars 2022. Þinginu hefði átt að vera augljóst að ekki væri hægt að fylgja hæfisreglum í sölumeðferðinni sem valin var. Bjarni sat fyrir svörum á opnum fundi stjórnskipunar- og eftirlitsnefndar í dag.

Fréttir

Treystir ekki ríkisstjórninni jafnvel þó Bjarni stígi til hliðar

Jóhann Páll Jóhannsson, þingmaður Samfylkingarinnar, telur að fjármálaráðherra hefði átt að segja af sér fyrr. „Það hafa ítrekað á hans stjórnmálaferli komið upp mál þar sem hann er að athafna sig á gráa svæðinu á milli stjórnmálalífs og viðskiptalífs.“

Samantekt

Orðin hans Bjarna: „Ég er miður mín“

„Völdum fylgir ábyrgð,“ sagði Bjarni Benediktsson er hann kynnti afsögn sína sem fjármála- og efnahagsráðherra. „Oft veltir lítil þúfa þungu hlassi,“ sagði hann svo um kaup föður síns á hlut í Íslandsbanka. „Það hefði á alla kanta verið heppilegra að ... hérna ... hann hefði sleppt þessu.“

FréttirSalan á Íslandsbanka

Ekki spenntur fyrir „blautum hádegisverðum“

Jón Guðni Ómarsson bankastjóri Íslandsbanka segir vert að skoða kunningjakúltúr og frændhygli í íslenska fjármálakerfinu, sem hluta af endurskoðun á áhættumenningu.

Mest lesið

Stjórnmál

Sagði „nei“ við einu frumvarpi ríkisstjórnarinnar

Halla Hrund Logadóttir, þingmaður Framsóknarflokks, hvetur til samvinnupólitíkur og sagðist ekki taka þátt í málþófi stjórnarandstöðunnar um veiðigjöld. Hún hefur greitt atkvæði með mun fleiri málum ríkisstjórnarinnar en á móti.

Stjórnmál

Þingmaður Sjálfstæðisflokks: „Borgar þú minna til samfélagsins en þú þiggur?“

Stuðningsmenn ríkisstjórnarflokkanna eru „líklega bitrir“ og „einhver hefur komið illa fram við þá og þeir eru í vandræðum með sjálfsmynd sína,“ skrifar Jón Pétur Zimsen, þingmaður Sjálfstæðisflokksins.

Stjórnmál

Áslaug Arna komin aftur á þingfararkaup

Við þingslit í gær fór Áslaug Arna Sigurbjörnsdóttir, þingmaður Sjálfstæðisflokks, aftur á laun þrátt fyrir að vera erlendis í námsleyfi. Hún fær um 3,1 milljón króna þar til varaþingmaður tekur við í haust.

Fréttir

Sýknaður af ákæru um nauðgun – ekki hægt að sanna ásetning

Maður var sýknaður fyrir nauðgun í Héraðsdómi Norðurlands eystra fyrr í mánuðinum. Taldi dómurinn að ekki væri hægt að sanna að hinn ákærði hefði haft ásetning til nauðgunar.

Erlent

Trump segir Epstein-skjölin samsæri gegn sér

Donald Trump, forseti Bandaríkjanna, sagði í viðtali í gær að bandaríska alríkislögreglan þurfi að rannsaka Epstein-skjölin sem samsæri gegn sér. Hann hefur farið mikinn síðustu daga og kallar stuðningsmenn sem óska eftir því að skjölin verði opinberuð „veikburða.“

Aðsent

Ásgeir Daníelsson

Hagnaður veiða og vinnslu og veiðigjaldið

Fyrrverandi forstöðumaður rannsóknar- og spádeildar Seðlabanka Íslands telur að erfitt sé að rökstyðja þá fullyrðingu að sjávarútvegsfyrirtæki flytji hagnað frá útgerð til fiskvinnslu í ár til að lækka veiðigjöld eftir 2-3 ár.

Mest lesið

Mest lesið í vikunni

Pistill

Sif Sigmarsdóttir

Sendillinn sem hvarf

Er „verðmætasta“ starfsfólkið raunverulega verðmætasta starfsfólkið?

Greining

Endurkoma hinnar hefðbundu húsmóður

Þær eru sagðar birtingarmynd hinnar fullkomnu konu og milljónir fylgja þeim á samfélagsmiðlum, þar sem þær koma fram í kjólum á meðan þær elda mat frá grunni, sinna börnum og heimilishaldi. Undir niðri liggja þó önnur og skaðlegri skilaboð.

Fréttir

Ræðumaður Íslands þvert á flokka vill steypa ríkisstjórninni af stóli

Margrét Friðriksdóttir sem var meðal ræðumanna á fundum Íslands þvert á flokka gegn hælisleitendum leggur til að næsti útifundur hópsins snúi að því að ríkisstjórnin víki, enda hafi komið fordæmi í Búsáhaldabyltingunni 2009.

Stjórnmál

Sagði „nei“ við einu frumvarpi ríkisstjórnarinnar

Stjórnmál

Þingmaður Sjálfstæðisflokks: „Borgar þú minna til samfélagsins en þú þiggur?“

Stjórnmál

Áslaug Arna komin aftur á þingfararkaup

Mest lesið í mánuðinum

Úttekt

Verðmætasta starfsfólk Íslands: Tugmilljónatekjur íslenskra forstjóra

Launahæsti forstjórinn í íslensku Kauphöllinni stýrir fyrirtæki sem hefur tapað tugum milljarða frá stofnun. Hann ber höfuð og herðar yfir aðra forstjóra þegar kemur að tekjum en alla jafna njóta þeir kjara sem eru á við tíföld meðallaun á íslenskum vinnumarkaði.

Viðtal

Hann var búinn að öskra á hjálp

Hjalti Snær Árnason hvarf laugardaginn 22. mars. Foreldrar hans lásu fyrst um það í fréttum að hans væri leitað í sjónum, fyrir það héldu þau að hann væri bara í göngutúr. En hann hafði liðið sálarkvalir, það vissu þau. Móðir Hjalta, Gerður Ósk Hjaltadóttir, lýsir því hvernig einhverfur sonur hennar gekk á veggi allt sitt líf, og hvernig hann veiktist svo mikið andlega að þau voru byrjuð að syrgja hann löngu áður en hann var dáinn.

Pistill

Sif Sigmarsdóttir

Sendillinn sem hvarf

Er „verðmætasta“ starfsfólkið raunverulega verðmætasta starfsfólkið?

Fréttir

Brutu gegn siðareglum í máli Ásthildar Lóu

RÚV og Sunna Karen Sigurþórsdóttir brutu gegn Ásthildi Lóu Þórsdóttur ráðherra í umfjöllun um son hennar og samskipti við barnsföður. Siðanefnd Blaðamannafélagsins vísaði hins vegar frá öllum kröfum ráðherra nema einni.

Flækjusagan

Saga Írans 3: Þegar konungur Írans var messías Gyðinga

Hér segir frá upphafi stjórnartíðar Kýrusar mikla Persakonungs sem setti á stofn þriðja og mesta stórveldið í Íran, og var einhver merkasti, mildasti og skynsamasti stjórnarherra fornaldar.

Skoðun

Sif Sigmarsdóttir

„Þessi kona er rugluð“

Það tók mannkynið ekki nema nokkrar aldir að leggja við hlustir eftir að ítalski stjarnfræðingurinn Galileo Galilei dæmdur í stofufangelsi fyrir að viðra þá hugmynd að jörðin snerist kringum sólina. Ekki er því öll von úti um að hlustað verði á Herdísi Storgaard.