Snemma að morgni laug­ar­dags­ins 22. mars fékk Gerður Ósk Hjalta­dóttir sím­tal frá lög­regl­unni: „Ert þú móðir Hjalta?“ Þar var henni sagt að föt, taska og sími sonar hennar hefðu fund­ist á bekk við Kirkju­sand. Sonur hennar, Hjalti Snær Árnason, var vistaður á Laug­ar­ásnum í Reykja­vík, sér­hæfðri deild á vegum Land­spít­al­ans fyrir ungt fólk með geð­rofs­sjúk­dóm á byrj­un­ar­stigi, en fjöl­skyldan er búsett á Akureyri.

Klukkan var átta þegar Gerður fékk sím­talið frá lög­regl­unni en hún var hvött til að halda ró sinni. Hún hringdi í kjöl­farið á Laugarás þar sem hún fékk þau svör að Hjalti hefði farið út í göngutúr um klukkan sex og að hann hafi sagst vera vænt­an­legur aftur um hádegið. Það var ekk­ert óvenju­legt að Hjalti nyti þess að fara í langa göngut­úra, það vissi Gerður, og starfs­fólk Laug­ar­áss hvatti hana líka til að bíða bara róleg: „Þau sögðu: Hann kemur. Ég ákvað að ég þyrfti …