Vilja útmáðar upplýsingar Íslandsbankaskýrslunnar opinberaðar

Arndís Anna Krist­ín­ar­dóttir Gunn­ars­dóttir, þing­maður Pírata, segir Pírata ætla að sækj­ast eftir því að kaup­endur sem ekki upp­fylltu skil­yrði útboðs á hlut rík­is­ins í Íslands­banka en fengu samt að kaupa hlut í bank­anum verði nafn­greindir. 

Á opnum fundi efna­hags- og við­skipta­nefndar Alþingis í gær þar sem gestir fund­ar­ins voru ann­ars vegar frá fjár­mála­eft­ir­liti Seðla­banka Íslands og hins vegar Banka­sýslu rík­is­ins, spurði Arndís Anna hvort rök hafi verið fyrir yfir­strik­unum í kafla um sátt­ina sem Íslands­bandi gerði við fjár­mála­eft­ir­litið. Íslands­banki mun greiða 1,2 millj­arða króna sekt í rík­is­sjóð vegna sátt­ar­innar. Er það sögu­lega há sekt, sú hæsta síðan Arion Banki greiddi sekt upp á 80 millj­ónir árið 2020. 

Björk Sig­ur­gísla­dóttir, vara­seðla­banka­stjóri fjár­mála­eft­ir­lits Seðla­banka Íslands, sagði það var­færið að strika út upp­lýs­ingar í sátt­inni en laga­grund­völlur sé að baki þeim öllum. Gunnar Þór Pét­urs­son, nefnd­ar­maður í fjár­mála­eft­ir­lits­nefnd Seðla­banka Íslands, sagði að það væri í höndum úrskurð­ar­nefndar upp­lýs­inga­mála að meta hvort yfir­strik­an­irnar ættu rétt á sér eða ekki. 

„Mér fannst koma fram á þessum fundi að þau hafi þarna verið að fara sér­stak­lega var­lega og það sé ekki loku fyrir það skotið að þessar upp­lýs­ingar verði gerðar opin­berar. Já, við munum sækj­ast eftir því,“ sagði Arndís Anna í sam­tali við Ragn­hildi Þrast­ar­dóttur, blaða­mann Heim­ild­ar­innar, að fundi loknum í gær, aðspurð hvort Píratar ætli að leit­ast eftir því að upp­lýs­ing­arnar verði birtar. 

„Við munum byrja á því að óska eftir því og óska eftir rök­stuðn­ingi fyrir því að þeim sé haldið leyndum. Svo eru þarna ákveðnir ferlar sem eru í boði til þess,“ sagði Arndís Anna. Birting yfir­strik­an­anna er mik­il­væg að hennar mati til að svara ýmsum spurn­ingum. „Það eru auð­vitað svo margar spurn­ingar uppi í þessu máli um hags­muna­á­rekstra, til dæmis, og ýmis­legt. Það er mikil tor­tryggni í garð þess­arar sölu og það er alls ekki að ástæðu­lausu. Við teljum mjög mik­il­vægt að allar upp­lýs­ingar liggi upp á borðum til þess að við getum áttað okkur á hvað gerð­ist þarna.“

Málinu ekki lokið með afsögn bankastjóra

Afsögn Birnu Ein­ars­dóttur, banka­stjóra Íslands­banka, í gær var við­búin að mati Arndísar Önnu og segir hún afsögn­ina hafa komið fáum á óvart. „En auð­vitað, það er eng­inn endir á þessu máli. Það er ekki þarna sem málið endar, aug­ljós­lega. Það er heil­mikið af spurn­ingum sem standa eftir í þessu máli.“

Næsta skref, að mati Arndísar Önnu, er að skipa rann­sókn­ar­nefnd um söl­una á Íslands­banka. Sú krafa hefur verið uppi af hálfu stjórn­ar­and­stöð­unnar allt frá því að salan á 22,5 pró­sent hlut í bank­anum fór fram í mars í fyrra. 

„Rann­sókn­ar­nefnd, ekki spurn­ing. Og í raun­inni verð ég bara sann­færð­ari um það með hverju skrefi,“ segir Arndís Anna. 

Í könnun sem Gallup birti seint í apríl í fyrra kom fram að 73,6 pró­­­­sent lands­­­­manna taldi að það ætti að skipa rann­­­­sókn­­­­ar­­­­nefnd en 26,4 pró­­­­sent taldi nægj­an­­­­legt að Rík­­­­is­end­­­­ur­­­­skoðun gerði úttekt á söl­unni. Kjós­­­­endur Sjálf­­­­stæð­is­­­­flokks­ins skáru sig úr þegar kom að þessu, en 74 pró­­­­sent þeirra voru á því að úttekt Rík­­­­is­end­­­­ur­­­­skoð­unar nægði til. Tæp­­­­lega þriðj­ungur kjós­­­­enda hinna stjórn­­­­­­­ar­­­­flokk­anna var á þeirri skoðun en um tveir þriðju á því að skipa þyrfti rann­­­­sókn­­­­ar­­­­nefnd. Ekki þarf að koma á óvart að kjós­­­­endur stjórn­­­­­­­ar­and­­­­stöð­u­­­­flokka voru nær allir á því að rann­­­­sókn­­­­ar­­­­nefnd sé nauð­­­­syn­­­­leg.