1131. spurningaþraut og sú síðasta — í bili, vænti ég

Þetta verður síð­asta spurn­inga­þrautin mín hér á þessum vett­vangi — í bili að því er ég best veit. Vænt­an­lega verður þráð­ur­inn tek­inn upp aftur í haust. En í til­efni af tíma­mót­unum verður þessi þraut helguð hinu síð­asta ...

Fyrri auka­spurn­ing:

Skjá­skotið hér að ofan er úr kvik­mynd einni frá 1961 sem er fræg meðal ann­ars vegna þess að hún varð síð­asta mynd tveggja afar frægra kvik­mynda­stjarna. Þið þurfið að hafa nöfnin á þeim báðum rétt til að fá stig. Svo er síð­asta lár­við­ar­stigið fyrir að þekkja einnig nafnið á bíó­mynd­inni.

***

Aðal­spurn­ingar:

1.  Síðustu orð konu nokk­urrar munu hafa verið: „Afsakið mig, herra.“ Þá hafði hún óvart stigið ofan á tána á böðl­inum sem var að búa sig undir að háls­höggva hana á aftöku­stað. Hver var þessi kurt­eisa og/eða vel upp alda kona?

2.  Renaissance er síð­asta plata hvaða söng­stjörnu? (Þótt hún verði sjálf­sagt ekki sú allra síð­asta þegar upp verður staðið.)

3.  Síðari heims­styrj­öld­inni lauk í ágúst 1945. Síðustu stóru orr­ustu stríðs­ins hafði hins vegar lokið nokkru fyrr, eða 22. júní og hafði þá staðið af mik­illi heift síðan í byrjun apríl. Við hvaða stað er sú orr­usta kennd?

4.  Hvað heitir síð­asti jóla­sveinn­inn sem kemur til byggða?

5.  Síðustu bækur Halldórs Laxness (fyrir utan greina­söfn og dag­bók­ina Dagar hjá múnkum) voru fjórar end­ur­minn­inga­bækur sem komu út 1975-1980. Nefnið þrjár af þessum fjórum bókum.

6.  Hvað hét síð­asta konan sem var tekin af lífi hér á landi af yfir­völd­unum?

7.  Hvað heitir síð­asta (ysta) reiki­stjarnan í sól­kerfi okkar?

8.  Hvað heitir síð­asta bókin í þrí­leiknum Hringa­drott­ins­sögu eða Lord of the Rings?

9.  Hver var síð­asti keis­ari vest­ur­róm­verska rík­is­ins?

10.  Hver var síð­asta Bítla­platan sem gefin var út um það bil sem þeir hættu?

***

Seinni auka­spurn­ing:

Þessi freska eftir Leonardo da Vinci heitir ... hvað?

***

Svör við aðal­spurn­ingum:

1.  María Antoinette drottn­ing sem háls­höggvin var 1793 meðan franska bylt­ingin stóð sem hæst.

2.  Beyonce.

3.  Okinawa.

4.  Kerta­sníkir.

5.  Þær fjórar heita Í tún­inu heima, Heiman ég fór, Sjömeist­ara­sagan og Grikk­landsárið.

6.  Agnes. Hún var Magn­ús­dóttir en skírn­ar­nafnið dugar.

7.  Neptúnus.

8.  The Return of the King, Hilmir snýr heim — hvort heldur er rétt.

9.  Rómúlus Ágústúlus. Ann­að­hvort nafn­anna dugar.

10.  Let It Be.

***

Svör við síð­ustu auka­spurn­ing­unum (í bili!):

Efri myndin sýnir Montgomery Clift, Marilyn Monroe og Clark Gable, aðal­leik­ara mynd­ar­innar The Misfits. Það var síð­asta mynd Monroe og Gable. Monroe hóf að vísu að leika í annarri mynd en lést áður en náð­ist að klára hana.

Mynd Leon­ar­dos heitir Síðasta kvöld­mál­tíðin.