Fyrri aukaspurning:

Persónan hér að ofan kom fyrst fram á sjónarsviðið 1. maí 1999 og heitir ... hvað?

***

Aðalspurningar:

1.  Hvaða ár var fyrsta fyrsta maí ganga á Íslandi? Muna má einu ári.

2.   Í dag heldur upp á 69 ára afmæli sitt bandarískur tónlistarmaður sem er frægastur fyrir lag sem hann samdi í víðfræga kvikmynd árið 1984 og báru lagið og kvikmyndin sama nafn. Þetta var mynd um yfirnáttúruleg efni en þó fyrst og fremst hneggjandi grínmynd. Tónlistarmaðurinn heitir Ray Parker jr. en hvað heitir lagið?

3.  „En í kvöld lýkur vetri / sérhvers vinnandi manns, / og á morgun ...“ Hvað gerist á morgun?

4.  Á þessum degi 1995 voru forsetakosningar í Frakklandi og nýr maður var kjörinn forseti. Hann gegndi svo embættinu samfleytt til 2007. Hvað hét hann?

5.  Á þessum degi 2004 gengu hvorki fleiri né færri en tíu ríki í Evrópusambandið. Þar á meðal var eitt fyrrum Júgóslavíuríki. Hvaða ríki var það?

6.  Á þessum degi 1961 var eyríki eitt lýst sósíalískt lýðveldi og lýðræðislegar kosningar afnumdar. Hvaða ríki var það?

7.  Það var raunar ekki 1. maí, heldur fyrsta apríl árið 2002 sem andaðist hér á landi frægur útvarpsmaður, djassgeggjari og pólitískur baráttumaður utarlega á vinstri vængnum. Hvað hét hann?

8.  Á þessum degi árið 1945 svipti kona nokkur sig lífi eftir að hafa áður unnið það grimmdarverk að myrða sex börn sín. Hvað hét þessi kona? Eftirnafn hennar dugar.

9.  Á þessum degi 1899 fæddist tónskáld og síðar var gerð kvikmynd um ævi þess sem nefndist Tár úr steini. Hvað hét tónskáldið?

10.  Á þessum degi árið 1486 gekk sjómaður að nafni Kristófer Kólumbus fyrir drottningu eina á Spáni og kynnti henni hugmyndir sínar um að finna nýja siglingaleið til Kína með því að sigla í vestur yfir Atlantshafið. Hvað hét þessi drottning?

***

Seinni aukaspurning:

Þessi ánægði karl myndi í dag halda upp á 138 ára afmælið sitt ef hann væri enn á lífi. Hvað hét hann?

***

Svör við aðalspurningum:

1.  1923. Rétt telst því 1922-1924.

2.  Ghostbusters. Parker var reyndar sakaður um að hafa stolið laginu frá Huey Lewis and the News og var að lokum gerð sátt í því máli.

3.  „... skín maísól.“

4.  Chirac.

5.  Slóvenía.

6.  Kúba.

7.  Jón Múli Árnason.

8.  Hún hét Magda Goebbels. Eiginmaður hennar Josef svipti sig einnig lífi.

9.  Jón Leifs.

10.  Ísabella.

***

Svör við aukaspurningum:

Svampur Sveinsson er á fyrri myndinni.

Á þeirri seinni er Jónas Jónsson frá Hriflu.