Fyrri aukaspurning:
Milli hvaða staða í Evrópu liggur það sjávarsund sem sjá má á skjáskotinu hér að ofan? Og svo er lárviðarstig fyrir að muna hvað sundið heitir.
***
Aðalspurningar:
1. Hvað hét æðsti yfirmaður herafla Bandamanna sem gerði innrás í Frakklandi í júní 1944?
2. Þegar Donald Trump var handtekinn fyrir nokkrum vikum kom í ljós að málarekstur gegn honum snerist að mestu um peninga sem hann var sagður hafa greitt tveim konum fyrir að þegja um einhvers konar ástarsamband þeirra. En þriðja málið kom einnig við sögu í ákæruskjalinu. Trump var sakaður um ólöglegar greiðslur til karlmanns, sem gegndi óvæntu starfi — var sem sé ekki lögfræðingur. En hvaða starfi gegndi sá?
3. Og yfir hverju átti sá karlmaður að þegja?
4. Í hvaða ríki Bandaríkjanna er Mar-a-Lago?
5. Tvö ríki eiga strandlengju að flóa einum miklum sem heitir Tonkin flói. Hvaða ríki eru það?
6. Fanney Birna Jónsdóttir fréttamaður fékk nýlega eftirsótt stjórnunarstarf í menningargeiranum. Hvaða starf er það?
7. Hvað heitir tímaritið sem heldur úti lista yfir ríkasta fólk heimsins?
8. Með hvaða fótboltaliði í Danmörku leikur hinn efnilegi piltur Hákon Arnar Haraldsson?
9. Hver er hæsta jafna talan sem jafnframt er prímtala?
10. Nýjasta mynd Baltasars Kormáks nefnist Beast og var frumsýnd í fyrra. Hvaða fyrirbæri er sú skepna sem myndin er nefnd eftir?
***
Seinni aukaspurning:
Í hvaða sjónvarpsseríu birtast þessa ábúðarmiklu persónur?
***
Svör við aðalspurningum:
1. Eisenhower.
2. Dyravörður.
3. Um barn sem Trump var sagður hafa eignast utan hjónabands.
4. Flórída.
5. Víetnam og Kína.
6. Dagskrárstjóri Rásar eitt.
7. Forbes.
8. FC Köbenhavn.
9. Tveir.
10. Ljón.
***
Svör við aukaspurningum:
Sundið er milli Korsíku og Sardiníu í Miðjarðarhafinu. Og það heitir Bonifacio-sund.
Á neðri myndinni eru persónur úr bandarísku seríunni Succession.
Athugasemdir (1)