Fyrri aukaspurning:

Hvað má finna í þessu rammlega húsi í Reykjavík?

***

Aðalspurningar:

1.  Í hvaða landi er borgin Limerick?

2.  Hvaða fyrirbæri er kennt við þessa borg og nefnist því „limerick“ á ensku?

3.  Karlmaður einn átti óvenju fjölbreyttan starfsferil. Hann var hagfræðingur Alþýðusambands Íslands og síðan forseti ASÍ. Á þeim árum sat hann á þingi um tíma sem varamaður. Síðan gerðist hann framkvæmdastjóri í banka og þar næst ríkissáttasemjari í allnokkur ár. Hann endaði svo sem bankastjóri Landsbankans áður en hann fór á eftirlaun 2010. Hvar heitir hann?

4.  Árið 1977 var frumsýnd kvikmynd sem varð geysivinsæl. Þar má segja að diskó-tónlistin og diskó-dansar hafi fyrst komist rækilega í sviðsljósið. Myndin var bandarísk. Hvað hét hún?

5.  Hver lék aðal karlrulluna í þeirri kvikmynd?

6.  Tónlistin í myndinni var flutt af fjölda listamanna en mest bar þó á gamalreyndri gleðihljómsveit sem varð í kjölfar myndarinnar ein sú vinsælasta í heimi næstu árin. Hvaða hljómsveit var það?

7.  Hvar er Disko-flói?

8.  Háskóli einn hélt fyrir skemmstu upp á aldarfjórðungsafmæli sitt. Hvaða skóli var það?

9.  Sú var tíð að Hjemmet, Alt for damerene og Familie journal gengu undir sameiginlegu nafni á Íslandi. Hvað voru þessi fyrirbæri kölluð?

10.  Keisarar tóku við stjórn í Rómaveldi nokkru fyrir upphaf tímatals okkar. Fyrstu 99 árin var ein og sama ættin við völd en árið 68 svipti síðasti keisarinn af þeirri ætt sig lífi, þegar hann var rúinn stuðningi, og þar með var ættin úr sögunni. Hvað nefndist þessi síðasti keisari fyrstu keisaraættarinnar? — Svo fæst lárviðarstig fyrir að vita hvað sá keisari hét sem þá tók við. 

***

Seinni aukaspurning:

Hver er þetta?

***

Svör við aðalspurningum:

1.  Írlandi.

2.  Sérstakur bragarháttur, tegund af vísum.

3.  Ásmundur Stefánsson.

4.  Saturday Night Fever.

5.  Travolta.

6.  Bee Gees.

7.  Á Grænlandi.

8.  Háskólinn í Reykjavík.

9.  Dönsku blöðin.

10.  Nero hét sá sem svipti sig lífi, Galba sá sem við tók.

***

Svör við aukaspurningum:

Á efri myndinni er hús bandaríska sendiráðsins í Reykjavík.

Á neðri myndinni er Lady Gaga söngstjarna.