Fyrri aukaspurning:

Hvar er letrið á skjáskotinu hér að ofan fyrst og fremst notað?

***

Aðalspurningar:

1.  Hvaða verðlaun fékk Vala Flosadóttir á ólympíuleikum?

2.  Hvaða ár vann hún þau verðlaun?

3.  Hversu margar systur (alsystur og hálfsystur) á Kim Kardashian?

4.  Hver samdi og syngur lagið Fyrrverandi?

5.  Þær Erla Ruth Harðardóttir og Linda Ásgeirsdóttir eru báðar leikkonur og hafa tekist á við ýmis verkefni gegnum tíðina. Veturinn 1998-99 voru þær einu konurnar sem unnu með ákveðnum hópi karla, sem kölluðu sig ... hvað?

6.  Arthur Hastings er talinn hafa fæðst um 1886, hann gekk í breska herinn og mun hafa staðið sig með miklum sóma í fyrri heimsstyrjöldinni. Eftir styrjöldina er hann kunnastur fyrir margvíslega aðstoð sem hann veitti vini sínum og samstarfsmanni, sem þótti raunar honum snjallari á flesta lund. Hvað hét þessi vinur?

7.  Hvaða ár var háð fræg orrusta við Hastings á Englandi?

8.  Fyrir hvaða land keppir Novak Djokovic í tennis?

9.  Hvar á Íslandi er Breiðdalur? (Ef þeir skyldu vera fleiri en einn, þá er hér spurt um þann stærri!)

10.  Hvaða fræga leikrit endar á þann hátt að ein persóna segir við aðra: „Jæja, eigum við að fara?“ Og hin persónan segir: „Já, förum.“ En svo hreyfa persónurnar sig ekki. — Svo fæst Foxrock-stig fyrir að muna hvað persónurnar heita, en nefna verður báðar rétt.

***

Seinni aukaspurning:

Júpíter er stærsta pláneta sólkerfisins. En hve.. stór er Júpíter miðað við sólina? Er hinn rétti Júpíter A, B, C, D eða E?

***

Svör við aðalspurningum:

1.  Brons.

2.  Árið 2000.

3.  Fjórar.

4.  Una Torfadóttir.

5.  Spaugstofuna.

6.  Hercule Poirot, einkaspæjari Agötu Christie.

7.  1066.

8.  Serbíu.

9.  Á Austfjörðum, Austurlandi.

10.  Leikritið Beðið eftir Godot endar á þennan hátt. — Persónurnar heita Vladimir og Estragon.

***

Svör við aukaspurningum:

Letrið á fyrri mynd er notað á Indlandi. Nákvæmara þarf svarið ekki að vera.

Hinn rétti Júpíter á seinni myndinni er C.