Fyrri aukaspurning:

Þessi átti afmæli á jóladag. Hvað hét hann?

***

Aðalspurningar:

1.  Hver var krýndur keisari í Róm á jóladag árið 800?

2.  Á jóladag 1979 gerði Rauði herinn innrás í ... hvaða ríki?

3.  Á jóladag árið áður, 1978, höfðu Víetnamar hins vegar farið í stórsókn gegn Rauðu khmerunum sem þá höfðu í nokkur ár ráðið ... hvaða ríki?

4.  Á jóladag 1989 voru hjón um sjötugt tekin af lífi í bænum Târgoviște í hinu forna héraði Vallakíu. Hvað hétu hjónin? Eftirnafn þeirra nægir.

5.  Hver leikstýrði myndunum Nýtt líf, Dalalíf og Löggulíf?

6.  Jesúa er sagður fæddur í Betlehem. En hvar ólst hann upp?

7.  Í hvaða landi eru þrír hæstu fossar Evrópu?

8.  Hvað eru margir strengir á sellói?

9.  Hvaða reikistjarna er hulin þykkri skýjaslæðu sem felur brennheitt yfirborð? 

10.  Á jóladag 1977 lést tæplega níræður kvikmyndaleikstjóri á heimili sínu í Sviss. Hann fæddist á Englandi, bjó lengi í Bandaríkjunum og gerði þar sín meistaraverk í kvikmyndalist sem færðu gamanmyndir upp á miklu hærra plan heldur en þær höfðu verið á áður en hann tók til starfa. Síðasta mynd hans hét Greifynjan af Hong Kong frá 1967 og þótti nú ekki mikilfengleg miðað við gömlu meistaraverkin, en hvað hét þessi leikstjóri?

***

Seinni aukaspurning:

Hér má sjá skjáskot af sjónvarpsávarpi sem flutt var 25. desember ... hvaða ár?

***

Svör við aðalspurningum:

1.  Karlamagnús.

2.  Afganistan.

3.  Kambódíu.

4.  Þetta voru Ceaușescu-hjónin. Þau hétu Nicolae og Elena.

5.  Þráinn Bertelsson.

6.  Í Nasaret.

7.  Noregi.

8.  Fjórir. Hlýðið til dæmis á sellóið hérna.

9.  Venus.

10.  Chaplin.

***

Svör við aukaspurningum:

Á efri myndinni er Humphrey Bogart.

Og ávarp Gorbatévs þar sem hann sagði af sér sem forseti Sovétríkjanna og lagði þar með í raun Sovétríkin niður var flutt á jóladag 1991.