Fyrri aukaspurning:

Hver er á myndinni hér að ofan?

***

Aðalspurningar:

1.  Í hvaða skáldsögu Halldórs Laxness má lesa um persónuna Ástu Sóllilju?

2.  Hvað heitir ameríska teiknimyndaserían Peanuts á íslensku?

3.  Í hve mikilli hæð yfir yfirborði Jarðar byrjar heiðhvolfið (á ensku stratosphere)?

4.  Hvað hét eiginmaður Elísabetar Englandsdrottningar hinnar seinni?

5.  Hver gaf út hljómplötuna Vespertine fyrir 21 ári?

6.  Í hvaða heimsálfu er landið Sri Lanka?

7.  Um hverja notuðu norrænir menn orðið skrælingjar?

8.  Hver er langfjölmennasti þéttbýliskjarninn á Vestfjörðum? Athugið að spurt er um þéttbýliskjarna, ekki sveitarfélög.

9.  En hver er næstur í röðinni á Vestfjörðum að fjölmenni?

10.  Og sá þriðji þá?

***

Seinni aukaspurning:

Hvaða hafsvæði má sjá á myndinni hér að neðan?

***

Svör við aðalspurningum:

1.  Sjálfstæðu fólki.

2.  Smáfólk.

3.  Tíu kílómetra hæð. Best að gefa einn kílómetra í svigrúm, svo rétt má teljast 9-11.

4.  Filippus.

5.  Björk.

6. Asíu.

7.  Íbúa á meginlandi Norður-Ameríku og síðan Inúíta á Grænlandi.

8.  Ísafjörður.

9.  Bolungarvík.

10.  Patreksfjörður.

***

Svör við aukaspurningum:

Á efri myndinni er Snorkstelpan úr Múmíndal.

Á neðri myndinni má greina Norðursjó.