Góður hluti af heimsbyggðinni fagnar nú áttræðisafmæli Pauls McCartneys sem einu sinni var ímynd æskuljómans en er nú jafn öflug ímynd virðulegrar og fallegrar elli.
Hér lítum við á börnin hans fimm.
Paul gekk í hjónaband með Lindu Eastman árið 1969.
Linda átti þá sex ára gamla dóttur af fyrra hjónabandi sem Heather hét og Paul gekk henni í föðurstað, þótt hún hafi ævinlega haldið sambandi við líffræðilegan föður sinn líka.
Heather verður sextug í árslok. Hún hefur fengist við ýmislegt um dagana og til dæmis búið til línu af heimilisvörum allskonar úr keramíki.
Heather býr í Bandaríkjunum og lætur sig dýravernd miklu varða.
Mary fæddist 1969.
Hún hefur fengist við ljósmyndun, vegan matargerð og gefið út vegan matreiðslubækur. Mary er tvígift og átti tvo syni með hvorum eiginmanni.
Þessir dóttursynir Pauls heita Arthur, Elliott, Sam og Sid.
Af þeim er það að segja að Arthur útskrifaðist með gráðu í sagnfræði frá Yale-háskóla í fyrra.
Stella fæddist 1971. Hún hefur getið sér heilmikið orð sem fatahönnuður og þykir með þeim betri sem Bretar eiga þessa áratugina. Eins og systkini hennar er hún vegan og mikill dýraverndarsinni og notar engar dýraafurðir í föt sín.
Stella er gift og á fjögur börn sem birtust með móður sinni á forsíðu Vogue 2019.
Miller, Beckett, Bailey og Reiley heita börnin hennar Stellu.
James McCartney er einkasonur Pauls, fæddur 1977.
Hann hefur fengist heilmikið við tónlist, spilað í hljómsveitum og gefið út fáeinar plötur og virðist ekkert sýta að vitaskuld stendur hann þar í stórum skugga föður síns.
Hér á hlekkur á Youtube-myndband þar sem hann flytur lag með félögum sínum
Linda kona Pauls lést úr krabbameini 1998.
Árið 2002 gekk hann að eiga fyrirsætuna Heather Mills sem var á aldur við dætur hans. Ekki lukkaðist það hjónaband vel og þau Paul skildu með látum árið 2008.
Þau höfðu hins vegar eignast eina dóttur, Beatrice, árið 2003.
Flækjusagan
Flores: Dvergþjóðin á jarðskjálftaeyjunni
Noregskonungar 2: Síðasti Hákoninn sem ríkti yfir Íslandi
Noregskonungar 1: Frá Hákoni gamla til Hákons 8.
Myrkur í ágúst 18 — Eldklerkurinn sér almyrkva
Myrkur í ágúst 17 — Sólmyrkvi yfir námum Salómons konungs
Athugasemdir (1)