Upphaf gríska geitasöngsins

Enginn veit nákvæm­lega hvenær eða hvernig það gerð­ist. Það var samt ein­hvern veg­inn svona:

Eskýlos frá Elevis sat flötum beinum á gólf­inu í glæsi­húsi sínu í Kera­meikos-hverf­inu undir Akropol­is­hæð í Aþenu. Hann mund­aði stíl­vopn sitt yfir papýrusrúllu þar sem hann var byrj­aður að festa á blað nýjan harm­leik. Hann var kom­inn með nafnið á harm­leiknum. Myrmidónes átti hann að heita, eða Maur­arnir, og fjalla um sam­skipti ást­vin­anna Akki­lesar og Patroklosar á ofan­verðum dögum Tróju­stríðs­ins.

Grikkir höfðu árum saman verið að reyna að vinna Tróju­borg en nú hafði komið stórt babb í bát­inn, því helstu hetju þeirra, honum Akkilesi, hafði sinn­ast við Aga­mem­non Grikkja­kóng og dregið sig út úr stríð­inu. Ástæðan var sú að hetj­unni fannst kóngur hafa sýnt sér per­sónu­lega lít­ils­virð­ingu.

Ekki aðeins fræðileg spurning

Patroklos unni Akkiles en hvatti hann til að láta af fýlu sinni og ganga aftur í stríðið. Þrátt fyrir stór­lyndi sitt …