Norskur eig­andi lax­eld­is­fyr­ir­tæk­is­ins Arnarlax á Bíldudal ætlar að kaupa norska fyr­ir­tækið sem á Arctic Fish á Ísafirði. Um er að ræða tvö stærstu lax­eld­is­fyr­ir­tæki Íslands. Þetta kemur fram í frétta­til­kynn­ingu og kynn­ingu um sam­run­ann til norsku kaup­hall­ar­innar í morgun. Fyrir vikið verður til einn mjög stór aðili í lax­eldi á Íslandi en í frétta­til­kynn­ing­unni er talað um þau veru­legu sam­legð­ar­á­hrif sem fyr­ir­sjá­an­legt er að verði í rekstri fyr­ir­tækj­anna tveggja hér á landi. Sam­run­inn hefur verið til umræðu um nokk­urt skeið en nú liggur hann fyrir. 

Í til­kynn­ing­unni til kaup­hall­ar­innar í Noregi segir meðal ann­ars um sam­legð­ar­á­hrifin á Íslandi:  „Báðir aðilar eru með starf­semi á Vest­fjörðum á Íslandi í gegnum fyr­ir­tækin Icelandic Salmon (sem SalMar á) og Arctic Fish (sem NRS á). Í sam­ein­ingu geta þessir aðilar náð fram veru­legum sam­legð­ar­á­hrifum í gegnum bættan rekstur á sjó auk veru­legrar bæt­ingar í virð­is­keðj­unni í landi, meðal ann­ars í seiða­eldi, vinnslu og sölu.“

Samanlögð framleiðsla áætluð tæp 27 þúsund tonn

Í kynn­ing­unni á sam­run­anum er rakið hvernig áætluð fram­leiðsla Arnarlax í ár er 16.000 tonn og fram­leiðsla Arctic Fish er áætluð 10.600 tonn. Svo segir að mögu­leg heild­ar­fram­leiðsla fyr­ir­tækj­anna tveggja eftir sam­nein­ingu þeirra geti orðið 50 þús­und tonn ef leyfin til fram­leiðslu, það er að segja kvóti í lax­eldi, sem bæði fyr­ir­tækin eiga verður nýttur. 

Framleiddu rúman helming í fyrra

Til að setja stærð þess­ara tveggja fyr­ir­tækja í sam­hengi þá voru fram­leidd 44.504 tonn af eld­is­laxi í íslenskum sjó­kvíum í fyrra. Af þessum tonn fram­leiddi Arnarlax 11.563 tonn og Arctic Fish 11.500 tonn. Um er að ræða rúm­lega 53 pró­sent af allri fram­leiðslu á eld­is­laxi í sjó­kvíum á Íslandi í fyrra. Sé horft til fram­leiðsl­unnar á Vest­fjörðum þá er um að ræða 87,5 pró­sent af þeim eld­is­laxi sem fram­leiddur var í þeim lands­hluta í fyrra. 

Rúmur helm­ingur af fram­leiðsl­unni í íslensku lax­eldi, miðað við tölur fyrir árið í fyrra, verður því í eigu eins og sama norska aðil­ans.  

Í til­kynn­ing­unni er talað um að eftir sam­run­ann verði heiti félags­ins Salmar AS en ekki er tekið fram hvort Arnarlax og Arctic Fish muni renna undir einn hatt og nafn þó sam­vinna verði milli fyr­ir­tækj­anna.