Fyrri aukaspurning:

Hver er konan á myndinni hér að ofan?

***

Aðalspurningar:

1.  Hvað nefnist stærsta fótboltaliðið í Madrid?

2.  En hvað kallast næststærsta fótboltaliðið í Madrid?

3.  Hvaða starfi gegndi Herbert Hoover á árunum 1929-1933?

4.  Við hvaða flóa stendur eldfjallið Vesúvíus?

5.  Hvenær varð frægasta eldgosið í Vesúvíusi? Var það 179 fyrir Krist — 79 fyrir Krist — 79 eftir Krist — 179 eftir Krist eða 1790 eftir Krist?

6.  Ólafur Ragnar Grímsson fyrrum forseti er uppalinn að mestu í hvaða bæ?

7.  Undir hvaða nafni er Tom Marvolo Riddle þekktastur?

8.  En undir hvaða nafni er John Greystoke þekktastur?

9.  Í dag hefst apríl. Enginn veit hvað mánaðarheitið apríl þýðir, þótt ýmsar kenningar séu til. En frá hvaða þjóð höfum við annars mánaðarheitið apríl?

10.  Í frægu kvæði, The Waste Land, segir í þýðingu Egils Helgasonar: „Apríl er grimmastur mánaða.“ En af hverju er apríl svo grimmur?

Og svo fæst lárviðarstig fyrir að þekkja höfund kvæðisins.

***

Seinni aukaspurning:

Hvaða hafnarborg má sjá hér að neðan? Myndin er  tekin úr suðri og það verður að taka fram að myndin er ekki alveg splunkuný.

***

Svör við aðalspurningum:

1.  Real Madrid.

2.  Atletico Madrid.

3.  Bandaríkjaforseti.

4.  Napólí-flóa.

5.  Gosið varð 79 eftir Krist.

6.  Ísafirði.

7.  Voldemort (úr Harry Potter-sögunum).

8.  Tarzan.

9.  Rómverjum.

10.  Af því hann kveikir líf í vetrardauðu landi. Þetta er sem sé kaldhæðni, þannig séð.

Og höfundurinn var Eliot.

***

Svör við aukaspurningum:

Á efri mynd má sjá Marie Curie vísindakonu og Nóbelsverðlaunahafa.

Á neðri myndinni má sjá hina ógæfusömu Mariupol við Asovshaf.