Fyrri aukaspurning snýst um myndina hér að ofan.

Hver er þetta? Átt er við persónuna, ekki leikarann?

***

Aðalspurningar:

1.  En hver er annars leikarinn?

2.  Á morgun er 1. desember. Á þeim degi árið 1918 hlaut Ísland fullveldi. Hátíðahöld í Reykjavík voru ekki sérlega tilþrifamikil. Hvers vegna?

3.  Hvað eru Sjíar og Súnnítar?

4.  Þann 1. desember árið 1896 fæddist austur í Rússlandi piltur sem átti eftir að verða einn sigursælasti hershöfðingi 20. aldar. Hann tók þátt í að verja Moskvu 1941, skipulagði gagnsókn Sovétríkjanna við Stalíngrad og var svo annar tveggja marskálka Sovétmanna sem tóku Berlín í maí 1945. Hvað hét hann? — Og svo er lárviðarstig í boði fyrir að vita hvað hinn marskálkurinn hét!

5.  Hvað heitir kastali bresku konungsfjölskyldunnar í Skotlandi?

6.  Á hvaða útvarpsstöð var þátturinn Harmageddon árum saman á dagskrá?

7.  Ýmsir tónlistarmenn og plötusnúðar og jafnvel fleiri skemmtikraftar nota orðin MC fyrir framan nafnið sitt, samanber MC Gauta. Hvað þýðir MC í þessu tilfelli?

8.  Hvaða íslenska söngkona gaf út plötuna Butterflies and Elvis í ýmsum Evrópulöndum árið 2009 í kjölfar skyndilegra vinsælda?

9.  Við hvaða þéttbýlisstað er Systrastapi?

10.  Hver leikstýrði kvikmyndum eins og La Dolce Vita, 9 1/2 og Amarcord?

***

Seinni aukaspurning:

Hver er konan hér fyrir neðan?

***

Svör við aðalspurningum:

1.  Robert Downey jr.

2.  Vegna spænsku veikinnar sem leikið hafði bæinn grátt.

3.  Tveir helstu trúflokkar múslima.

4.  Sjúkov. Hinn marskálkurinn hét Ívan Konev.

5.  Balmoral.

6.  X-inu.

7.  Master of Ceremonies. Í rappinu er skammstöfunin stundum sögð tákna Microphone Controller, svo líka fæst rétt fyrir það.

8.  Jóhanna Guðrún.

9.  Kirkjubæjarklaustur.

10.  Fellini.

***

Svör við aukaspurningum:

Á efri myndinni er Iron Man.

Á neðri myndinni er Guðrún Helgadóttir rithöfundur og stjórnmálamaður.