Þessi grein birtist upphaflega í Stundinni fyrir meira en 2 árum.

Jón Óttar sagðist ekki skyldugur til að „fela þetta“ fyrir Samherja í Namibíu

Eitt af því sem Jón Óttar Ólafsson, ráðgjafi Samherja, gerði ítrekað fyrir útgerðarfélagið var að reyna að stuðla að því að mútugreiðslurnar til ráðamannanna í Namibíu færu leynt. Jón Óttar sagðist ekki bera skylda til að fela þessar greiðslur en hélt samt áfram að gera það í rúm þrjú ár eftir að hann hóf störf hjá Samherja í Namibíu.

27. september 2021 06:00

Aðalsteinn Kjartansson

adalsteinn@heimildin.is

Ingi Freyr Vilhjálmsson

ingi@heimildin.is

„Ég mun kveðja fólk hér í Namibíu og hjá Samherja og hef engar skyldur til að hjálpa Samherja að „fela“ þetta,“ sagði Jón Óttar Ólafsson, afbrotafræðingur og þáverandi ráðgjafi hjá Samherja í Namibíu, í tölvupósti til yfirlögfræðings Samherja, Örnu Bryndísi McClure, í lok árs 2016. Í tölvupóstinum lýsti Jón Óttar yfir óánægju með stöðu sína hjá félaginu og launakjör, sérstaklega var hann gagnrýninn á Baldvin Þorsteinsson, son forstjóra Samherja, Þorsteins Más Baldvinssonar. Tölvupósturinn er hluti af umfangsmiklu gagnamagni sem er undir í rannsóknum héraðssaksóknara á starfsemi Samherja í Namibíu. Sakborningar í málinu eru spurðir út í hluta þessara gagna við yfirheyrslur.

Með orðum sínum um að honum bæri ekki skylda til að hjálpa Samherja að „fela þetta“ vísaði Jón Óttar að öllum líkindum til þeirra greiðslna sem Samherji hafði þá um árabil greitt til valdamikilla …

Kjósa

Hvernig finnst þér þessi grein? Skráðu þig inn til að kjósa.

Deila

Efnisorð

Athugasemdir

Skráðu þig inn til að skrifa athugasemd eða kjósa.

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Tengdar greinar

Ný Samherjaskjöl

FréttirNý Samherjaskjöl

Skuggi Baldvins hjá Samherja í Namibíu

Hlutverk Baldvins Þorsteinssonar, sonar Þorsteins Más Baldvinssonar, hjá útgerðarfélaginu Samherja, hefur ekki legið alveg ljóst fyrir á liðnum árum. Hann hefur borið hina ýmsu starfstitla og jafnvel stýrt félagi sem Samherji hefur keypt en á sama tíma alltaf líka verið með puttana í útgerðinni á bak við tjöldin. Þetta sýna rannsóknargögnin í Samherjamálinu í Namibíu þar sem nafn Baldvins kemur það mikið fyrir að ætla má að hann sé eins konar aðstoðarforstjóri föður síns hjá Samherja.

FréttirNý Samherjaskjöl

KPMG breytti skýrslu um völd Þorsteins Más vegna „óánægju“ hans

Endurskoðendafyrirtækið KPMG breytti skýrslu sinni um stjórnendastrúktúr Samherjasamstæðunnar eftir að Þorsteinn Már Baldvinsson lýsti yfir óánægju með drög að skýrslunni. Embætti héraðssaksóknara hefur yfirheyrt starfsmann KPMG, sem sá um skýrslugerðina, sem vitni og er ljóst að ákæruvaldið hefur mikinn áhuga á valdsviði Þorsteins Más innan Samherja.

FréttirNý Samherjaskjöl

Fjármálastjóri Samherja í Namibíu: „Það sleppir enginn gullskeiðunum!“

Ingólfur Pétursson, fyrrverandi fjármálastjóri Samherja í Namibíu, er kominn með réttarstöðu sakbornings í rannsókn málsins. Samskipti hans og bókara hjá Samherja sýna þá vitneskju sem var um mútugreiðslurnar í Namibíu á meðal starfsmanna Samherja sem komu að starfseminni í Namibíu.

AfhjúpunNý Samherjaskjöl

Bankastjóri og stjórnarmaður Íslandsbanka liðkuðu til fyrir viðskiptum Samherja í Namibíu

Þorsteinn Már Baldvinsson, forstjóri Samherja, fundaði með stjórnarmanni og bankastjóra Íslandsbanka, Birnu Einarsdóttur, um aðstoð við að stunda fiskveiðar í Namibíu. Fundurinn leiddi til þess að Samherji fékk meðmælabréf sem sent var til Bernhard Esau sjávarútvegsráðherra. Birna Einarsdóttir segir að hún hafi einungis verið að aðstoða viðskiptavin bankans og að hún hafi aldrei vitað til hvers fundurinn leiddi.

FréttirNý Samherjaskjöl

Þorsteinn Már tilkynnti saksóknara að hann myndi engu svara

Þorsteinn Már Baldvinsson var yfirheyrður vegna Namibíumálsins í annað sinn í sumar. Hann mætti með bókun í farteskinu sem lögmaður hans lagði fram þar sem hann tilkynnti rannsakendum að hann ætlaði ekki að svara neinum spurningum.

AfhjúpunNý Samherjaskjöl

Ný Samherjaskjöl: „Þarf þetta allt að vera til í póstum milli manna?“

Ný gögn sem eru undir í rannsóknum héraðssaksóknara og namibískra yfirvalda varpa ljósi á hversu víðtæk þekking var um mútugreiðslur og háttsemi Samherja í Namibíu innan útgerðarrisans. Frjálslega var talað um mútugreiðslur og hótanir í skriflegum samskiptum lykilstjórnenda. Þorsteinn Már Baldvinsson fékk stöðugar upplýsingar um gang mála.