Þessi grein birtist upphaflega í Stundinni fyrir meira en 2 árum.

Fjármálastjóri Samherja í Namibíu: „Það sleppir enginn gullskeiðunum!“

Ingólfur Pétursson, fyrrverandi fjármálastjóri Samherja í Namibíu, er kominn með réttarstöðu sakbornings í rannsókn málsins. Samskipti hans og bókara hjá Samherja sýna þá vitneskju sem var um mútugreiðslurnar í Namibíu á meðal starfsmanna Samherja sem komu að starfseminni í Namibíu.

24. september 2021 13:30

Aðalsteinn Kjartansson

adalsteinn@heimildin.is

Ingi Freyr Vilhjálmsson

ingi@heimildin.is

„Ég geri ráð fyrir því, það sleppir enginn gullskeiðunum!,“ sagði fjármálastjóri Samherja í Namibíu, Ingólfur Pétursson, við bókarann, Irene Rodriguez Pascal, sem starfaði hjá einu af dótturfélögum Samherja, í ágúst 2017.

Tilefni þessara orða Ingólfs var að hann hafði áframsent reikning frá Tamson Hatuikulipi, tengdasyni sjávarútvegsráðherra Namibíu, til Irene svo hún gæti borgað hann. Reikningurinn var upp á 23 þúsund Namibíudollara, rúmlega 200 þúsund íslenskar krónur, og var frá félagi Tamson, Fitty Entertainment.

„Hversu óforskammaðir geta menn verið.“

Irene Rodriguez Pascal, bókari sem greiddi reikninga „hárkarlanna“

Irene hafði áður furðað sig á reikningum frá félögum Tamson og viðskiptafélaga hans og sendi hún meðal annars tölvupóst til Ingólfs Péturssonar í árslok 2016 þar sem hún sagði: ,,Áríðandi spurning!! Hvað er Fitty? Reikningur fyrir ráðgjafargreiðslum í hverjum einasta mánuði, en hvað gera þeir?? Svaraðu mér einhverju, gerðu það. Takk!“

Irene átti hins vegar eftir að átta sig á því hvað Fitty var …

Kjósa

Hvernig finnst þér þessi grein? Skráðu þig inn til að kjósa.

Deila

Efnisorð

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.

Tengdar greinar

Ný Samherjaskjöl

FréttirNý Samherjaskjöl

Skuggi Baldvins hjá Samherja í Namibíu

Hlutverk Baldvins Þorsteinssonar, sonar Þorsteins Más Baldvinssonar, hjá útgerðarfélaginu Samherja, hefur ekki legið alveg ljóst fyrir á liðnum árum. Hann hefur borið hina ýmsu starfstitla og jafnvel stýrt félagi sem Samherji hefur keypt en á sama tíma alltaf líka verið með puttana í útgerðinni á bak við tjöldin. Þetta sýna rannsóknargögnin í Samherjamálinu í Namibíu þar sem nafn Baldvins kemur það mikið fyrir að ætla má að hann sé eins konar aðstoðarforstjóri föður síns hjá Samherja.

FréttirNý Samherjaskjöl

KPMG breytti skýrslu um völd Þorsteins Más vegna „óánægju“ hans

Endurskoðendafyrirtækið KPMG breytti skýrslu sinni um stjórnendastrúktúr Samherjasamstæðunnar eftir að Þorsteinn Már Baldvinsson lýsti yfir óánægju með drög að skýrslunni. Embætti héraðssaksóknara hefur yfirheyrt starfsmann KPMG, sem sá um skýrslugerðina, sem vitni og er ljóst að ákæruvaldið hefur mikinn áhuga á valdsviði Þorsteins Más innan Samherja.

AfhjúpunNý Samherjaskjöl

Jón Óttar sagðist ekki skyldugur til að „fela þetta“ fyrir Samherja í Namibíu

Eitt af því sem Jón Óttar Ólafsson, ráðgjafi Samherja, gerði ítrekað fyrir útgerðarfélagið var að reyna að stuðla að því að mútugreiðslurnar til ráðamannanna í Namibíu færu leynt. Jón Óttar sagðist ekki bera skylda til að fela þessar greiðslur en hélt samt áfram að gera það í rúm þrjú ár eftir að hann hóf störf hjá Samherja í Namibíu.

AfhjúpunNý Samherjaskjöl

Bankastjóri og stjórnarmaður Íslandsbanka liðkuðu til fyrir viðskiptum Samherja í Namibíu

Þorsteinn Már Baldvinsson, forstjóri Samherja, fundaði með stjórnarmanni og bankastjóra Íslandsbanka, Birnu Einarsdóttur, um aðstoð við að stunda fiskveiðar í Namibíu. Fundurinn leiddi til þess að Samherji fékk meðmælabréf sem sent var til Bernhard Esau sjávarútvegsráðherra. Birna Einarsdóttir segir að hún hafi einungis verið að aðstoða viðskiptavin bankans og að hún hafi aldrei vitað til hvers fundurinn leiddi.

FréttirNý Samherjaskjöl

Þorsteinn Már tilkynnti saksóknara að hann myndi engu svara

Þorsteinn Már Baldvinsson var yfirheyrður vegna Namibíumálsins í annað sinn í sumar. Hann mætti með bókun í farteskinu sem lögmaður hans lagði fram þar sem hann tilkynnti rannsakendum að hann ætlaði ekki að svara neinum spurningum.

AfhjúpunNý Samherjaskjöl

Ný Samherjaskjöl: „Þarf þetta allt að vera til í póstum milli manna?“

Ný gögn sem eru undir í rannsóknum héraðssaksóknara og namibískra yfirvalda varpa ljósi á hversu víðtæk þekking var um mútugreiðslur og háttsemi Samherja í Namibíu innan útgerðarrisans. Frjálslega var talað um mútugreiðslur og hótanir í skriflegum samskiptum lykilstjórnenda. Þorsteinn Már Baldvinsson fékk stöðugar upplýsingar um gang mála.