510. spurningar: Hér er spurt galdra í allskonar skilningi

Hér snú­ast allar spurn­ingar um galdra og töfra í víðum skiln­ingi. Og fyrri auka­spurn­ing er svona:

Hér að ofan má sjá fræga galdra­norn. Hvað heitir hún?

***

Aðal­spurn­ingar:

1.  Hvaða galdra­maður er með ör á enni sem lík­ist helst eld­ingu?

2.  Ein besta mynd um galdra sem gerð hefur verið á seinni árum fjall­aði um keppni tveggja töfra­m­anna sem Christian Bale og Hugh Jackman léku. Scarlett Johansen lék aðal­kven­rull­una og David Bowie brá fyrir í hlut­verki Nicola Tesla. Það var sá frægi leikstóri Christopher Nolan sem leik­stýrði en hvað hét þessi magn­aða mynd?

3.  Galdra­bækur voru gjarnan gefnar út á fyrri tíð en einnig á vorum dögum. Elísabet Kristín Jök­uls­dóttir gaf til dæmis út eina árið 1993. Hvað hét hún?

4.  Louis Comte var franskur töfra­maður á fyrri hluta 19. aldar sem átti mik­inn þátt í að gera galdra­brögð og brellur að til­tölu­lega virðu­legri skemmtun, enda kom hann jafnan fram spari­klæddur með pípu­hatt og allt. Comte er tal­inn hafa verið fyrstur til að fram­kvæma töfra­bragð sem allar götur síðan hefur verið eins konar ein­kenn­is­brella töfra­m­anna. Hvað var það?

5.  Einn af fræg­ustu töfra­mönnum heims er Banda­ríkja­maður sem bar upp­haf­lega ætt­ar­nafnið Kotkin en tók sér síðar nafn frægrar sögu­per­sónu úr 19. aldar skáld­sögu eftir Charles Dickens. Hvað kall­ast þessi töfra­maður sem sé síðan?

6.  Albus Percival Wulfric Brian. Þessi fjögur skírn­ar­nöfn ber víð­frægur galdra­maður, húð­vænn og vel­vilj­aður öllu góðu fólki. En hvaða ætt­ar­nafn ber þessi ágæti karl?

7.  Hvað hét skóla­piltur einn í Hóla­skóla fyrr á tíð sem kenndur var við galdra?

8.  Galdra­kvik­indi einu, sem konur mögn­uðu upp á Íslandi fyrr á tíð, er svo lýst: „Hann var sívaln­ings­laga, magn­aður upp af manns­rifi sem vafið hafði verið ull­ar­flóka. Þetta báru kon­urnar inn­an­klæða milli brjósta sér og dreyptu á kvik­indið messu­víni þar til það var full­magnað. Þá settu þær [kvik­indið] á sepa eða vörtu efst í lær­krik­anum þar sem [það] saug sig [fast] og nærð­ist á blóði galdra­kon­unnar.“ Hvað kall­að­ist þetta?

9.  Earvin Johnson heitir fyrr­ver­andi körfu­bolta­maður vestur í Banda­ríkj­unum. Hann er nú 62 ára gam­all. Af hverju er ég að spyrja um hann hér?

10.  Um árið 200 eftir Krist gaf róm­verski fræði­mað­ur­inn Serenus Sammonicus út ljóða­bók­ina De medicina praecepta sem hafði að geyma galdra­þulur sem áttu að vinna bug á ýmsum sjúk­dómum. Þar birt­ist fyrst sér­stakur galdra­frasi sem átti þá að stemma stigu við sótt­hita, en hefur gegnum tíð­ina verið not­aður sem eins­konar alltum­lykj­andi tákn um beit­ingu galdra. Hver var þessi frasi Sammonicusar?

***

Seinni auka­spurn­ing:

Á mynd­inni hér að neðan má sjá rit­höf­und sem oft er tal­inn hold­gerv­ingur greinar skáld­skapar sem kall­ast „töfraraun­sæi“ þar sem furðum líkir atburðir ger­ast eins og ekk­ert sé en sann­kall­aðir galdrar þykja vart umtals­verðir. Hvað hét þessi höf­undur?

***

Svör við aðal­spurn­ingum:

1.  Harry Potter.

2.  The Prestige.

3.  Galdra­bók Ellu Stínu.

4.  Draga kan­ínu úr pípu­hatti.

5.  David Copperfield.

6.  Dumbledore.

7.  Galdra-Loftur.

8.  Tilberi.

9.  Af því að hann kall­að­ist Magic Johnson.

10.  Abracadabra.

***

Svör við auka­spurn­ingum:

Á efri mynd­inni er Maddama Mimm úr Andr­és­blöð­unum.

A neðri mynd­inni er Garcia Marquez, höf­undur Hundrað ára ein­semdar og fleiri bóka.