Bjarki Bragason mætti á mín­út­unni 16.30 á fund Hill­billyar á Gerð­ar­safni í Kópavogi. Hill­billy var líka á góðum tíma, sjaldan þessu vant. Aust­ur­ríska genið leggur mikið upp úr því að koma hvorki of snemma né of seint. Safnið ber á góma. Það hefur alltaf verið í upp­á­haldi hjá Hill­billy af mörgum ástæðum, helst út af prinsessu­brúnni og næntís orkunni. Bjarki og Hill­billy töl­uðu lít­il­lega, en vits­muna­lega, um bygg­ing­ar­stíl þess­ara ára. „Þetta er áhuga­vert tíma­bil í bygg­ing­ar­list­inni, að vera inni í bygg­ing­unni veitir manni tæki­færi á að horfa til baka á póst­módern­is­mann sem hún kemur úr. Hér eru ýmis form sem vísa aftur á bak í tím­ann, veg­legar hurð­aum­gjarðir, hringir og form sem minna á grískar hefðir og þeim er stefnt saman.“

Við erum komin hér saman í dag vegna verks Bjarka, Áform, á sýn­ing­unni Skýja­borg sem nú stendur yfir í Gerð­ar­safni í sýn­ing­ar­stjórn Klöru Þór­halls­dóttur og Brynju Sveins­dóttur. Ásamt …