Ásmundur Einar mun hvetja til að rannsókn á Laugalandsmáli verði hraðað

Ásmundur Einar Daðason félags- og barna­mála­ráð­herra, mun setja sig í sam­band við Gæða- og eft­ir­lits­stofnun félags­þjón­ustu og barna­verndar (GEF) og hvetja til þess að rann­sóknin á með­ferða­heim­il­inu að Lauga­landi verði unnin eins hratt og mögu­legt er. Hann mun jafn­framt tryggja að fjár­skortur standi því ekki fyrir þrifum að stofn­unin geti sinnt verk­efn­inu.

Ásmundur Einar fól stofn­un­inni að rann­saka starf­semi með­ferð­ar­heim­il­is­ins með bréfi 23. febr­úar síð­ast­lið­inn. Verkefni stofn­un­ar­innar er að kanna hvort stúlkur sem vistaðar voru á með­ferð­ar­heim­il­inu Lauglandi, áður Varp­holti, á árunum 1997 til 2007, undir for­stöðu Ingjalds Arn­þórs­sonar, hefðu sætt illri með­ferð, and­legu eða lík­am­legu ofbeldi. Átta stúlkur hafa stigið fram í Stund­inni og lýst því að Ingj­aldur hafi beitt þær ofbeldi, slegið þær, hrint þeim niður stiga og sparkað í þær meðal ann­ars. Enn fleiri stúlkur bera hið sama.

Í frétt sem Stundin birti í morgun kemur fram að rann­sókn máls­ins er ekki í for­gangi hjá Gæða- og eft­ir­lits­stofn­un­inni og verður hún unnin með­fram öðrum verk­efnum stofn­un­ar­innar. Þá er rann­sóknin ekki enn hafin, rúmum mán­uði eftir að stofn­un­inni var falið að sinna henni og und­ir­bún­ingur hennar aðeins nýhaf­inn.

Konurnar mjög vonsviknar

Stundin hefur rætt við konur sem vistaðar voru á með­ferð­ar­heim­il­inu og áttu meðal ann­ars fundi með Ásmundi í febr­úar, sem urðu til þess að rík­is­stjórn Íslands sam­þykkti til­lögu hans um að rann­sókn skyldi fara fram. Konurnar lýsa miklum von­brigðum með seina­gang við rann­sókn máls­ins og aðgerða­leysi sem jaðri við áhuga­leysi. Engin kvenn­ana hafi heyrt frá stofn­un­inni á þeim mán­uði sem lið­inn er síðan henni var falin rann­sóknin og það sé reið­ar­slag fyrir þær að heyra að ekki hafi verið sett á fót sér­stakt teymi sem muni sinna rann­sókn­inni sér­stak­lega heldur verði hún unnin með­fram öðrum störfum nefnd­ar­innar og nið­ur­staðna sé ekki að vænta um langa hríð.

Spurður hvort að þessi vinnu­brögð séu það sem að var stefnt þegar verk­efnið var sett í hendur Gæða- og eft­ir­lits­stofn­un­inni segir Ásmundur Einar að mark­miðið hafi verið að rann­sóknin lyti ekki póli­tískri stjórn heldur yrði í höndum óháðrar, sjálf­stæðrar stofn­unar. „Það er því í höndum stofn­un­ar­innar að sinna verk­efn­inu, líkt og öðrum málum sem hún er með í gangi. Ég vænti þess að þetta verði unnið hratt og vel. Það er ekki mitt nákvæm­lega að meta tíma­ás­inn í því en ég mun setja mig í sam­band við stofn­un­ina og hvetja hana til að vinna þetta eins hratt og mögu­legt er og tryggja að það sé ekki fjár­magns­skortur sem aftri því að það verði hægt. Það er það sem ég mun gera. Að öðru leyti er þetta í höndum stofn­un­ar­innar en ekki ráðu­neyt­is­ins og hún verður að öðru leyti fag­lega að svara fyrir málið, hvernig það er unnið, skipu­lagt og sett upp.“

Spurður hvort hann skilji óánægju kvenn­anna með það sem þeim þykir vera seina­gangur í mál­inu segir Ásmundur Einar að ljóst sé að verk­efnið sé umfangs­mikið. „Svona mál geta tekið tals­verðan tíma og ég upp­lýsti stúlk­urnar um það þegar ég fund­aði með þeim að þetta myndi taka tals­verðan tíma vegna þess að það þarf að standa rétt og fag­lega að því. Ég treysti stofn­un­inni til þess og hef ekk­ert annað í hönd­unum en að það sé verið að vinna á þeim nótum sem lagt var upp með.“