Sorpa lagðist hart gegn urðunarskatti

Í byrjun októ­ber ákvað Guð­mundur Ingi Guð­brands­son umhverf­is­ráð­herra að hætta við fyr­ir­ætl­anir um að setja á svo­kall­aðan urð­un­ar­skatt á allt það sorp sem yrði urðað á Íslandi. Markmið skatts­ins var að hvetja til frek­ari flokk­unar og end­ur­vinnslu á úrgangi frá heim­ilum og fyr­ir­tækjum. Hvatinn fólst aðal­lega í því að sveit­ar­fé­lög myndu taka upp flokkun á líf­rænum úrgangi í stað þess að urða hann, en nán­ast allur líf­rænn úrgangur frá heim­ilum lands­ins er urð­aður í dag. Um er að ræða tugi þús­unda tonna. Þegar líf­rænn úrgangur er urð­aður mynd­ast metan­gas, en það gas er allt að tíu sinnum áhrifa­meira en koltví­sýr­ingur þegar kemur að hlýnun jarðar. Hafa því ríki víðs vegar um heim­inn sett á urð­un­ar­skatta til að forða líf­rænum úrgangi frá urðun og þar með auka end­ur­vinnslu. Bretar settu á urð­un­ar­skatt árið 1996.

Árið 2019 til­kynnti umhverf­is­ráð­herra að stefnt yrði á að setja á urð­un­ar­skatt og hófst und­ir­bún­ingur það …