Skortur á starfs­fólki varð til þess að ekki var hægt að hólfa­skipta Landa­kots­spít­ala til að draga úr líkum á COVID-19 smiti. For­svars­menn klínískra starfs­manna segja mönnun við­var­andi vanda­mál í heil­brigð­is­kerf­inu þar sem menntað fag­fólk fáist ekki í störfin vegna launa­kjara, vinnu­að­stöðu og álags.

Land­spít­al­inn hefur ekki kynnt opin­ber­lega nið­ur­stöður sínar um til­drög og þróun hópsmits­ins á Landa­koti, sem afhenda ber emb­ætti land­læknis. Páll Matth­í­as­son, for­stjóri Land­spít­al­ans, sagði við Mbl.is þann 30. októ­ber að þrjú atriði hafi komið saman sem urðu þess vald­andi að smitið dreifð­ist svo víða. Í fyrsta lagi hafi verið um mjög smit­andi afbrigði veirunnar að ræða og í öðru lagi sé hús­næði Landa­kots óhent­ugt. Fólk sé á fjöl­býlum, margir sjúk­lingar um hvert kló­sett, þröng starfs­manna­að­staða og skortur á loft­ræst­ingu.

„Í þriðja lagi er það sú áskor­un sem mönn­un er,“ sagði Páll. „Því var haldið fram í vik­unni að það hefðu orðið mis­tök að hólfa­skipta ekki á Landa­koti. …