Lést í gær á Landspítalanum af völdum Covid-19

Sjúk­lingur á Land­spít­al­anum, sem smit­aður var af kór­óna­veirunni Sars-cov-2, lést af völdum sjúk­dóms­ins Covid-19 í gær.

Þetta kemur fram á vef Land­spít­al­ans. 

Ekki koma fram frek­ari upp­lýs­ingar, svo sem aldur eða kyn hins látna.

„Land­spít­ali vottar fjöl­skyldu hans samúð,“ segir í stuttri til­kynn­ingu spít­al­ans.

67 smit greindust inn­an­lands í gær og eru nú fjórir á gjör­gæslu. 1.206 manns eru í ein­angrun og 2.823 í sótt­kví.

Nú hafa tæp­lega fjögur þús­und manns greinst með Covid-19 á Íslandi. Dán­ar­hlut­fallið er því um 0,3%. Gera má ráð fyrir því að raun­veru­legur fjöldi smita sé meiri og dán­ar­hlut­fall því lægra, en einnig er ljóst að þeir sem hafa greinst nýverið eru ekki allir lausir við sjúk­dóm­inn.