Áherslu­mál Sjálf­stæð­is­flokks­ins hafa helst ratað inn í þau frum­vörp um breyt­ingar á stjórn­ar­skránni sem lík­leg­ast er að lögð verði fram áður en kjör­tíma­bil­inu lýkur næsta haust. Flest kosn­inga­lof­orð Vinstri grænna og Fram­sókn­ar­flokks sem varða stjórn­ar­skrána munu ann­að­hvort ekki vera tekin fyrir á kjör­tíma­bil­inu eða eru sett til hliðar.

Þetta má skilja á verk­lagi við end­ur­skoðun stjórn­ar­skrár­innar og þeim frum­varps­drögum um breyt­ingar á henni sem þegar hafa verið kynnt í sam­ráðs­gátt stjórn­valda. Formenn stjórn­mála­flokk­anna á Alþingi hafa fundað reglu­lega um stjórn­ar­skrána frá upp­hafi kjör­tíma­bils og hafa fjögur frum­varps­drög verið kynnt almenn­ingi. Fjalla þau um umhverf­is­vernd, íslenska tungu, stöðu for­seta og rík­is­stjórnar og loks um auð­linda­á­kvæði.

Einnig stóð til að taka fyrir ákvæði um þjóð­ar­at­kvæða­greiðslur og fram­sal vald­heim­ilda í þágu alþjóða­sam­vinnu, en sam­kvæmt heim­ildum Stund­ar­innar er ólík­legt að frum­varps­drög um þessi atriði komi fram. Óeining er um ákvæði um fram­sal vald­heim­ilda meðal for­mann­anna og þær til­lögur …