Margt er á döf­inni í menn­ing­ar­líf­inu næstu vikur. Athugið að tíma­setn­ingar gætu breyst með stuttum fyr­ir­vara vegna sam­komu­banns og að fjölda­tak­mark­anir geta átt við. 

MSEA, Holdgervlar

Hvar? Mengi
Hvenær? 16. októ­ber kl. 20.30
Aðgangs­eyrir: 2.500 kr.

MSEA er kanadísk tón­list­ar­kona sem hefur sest að á Íslandi og komið fram víðs vegar. Í tón­verkum hennar skapar hún flók­inn hug­ar­heim þar sem feg­urð og óþæg­indi tengj­ast órjúf­an­legum böndum. Á nýj­ustu plötu sinni, I tur­ned into a famil­iar shape, gerir MSEA upp heim­il­is­of­beldi sem hún upp­lifði og afleið­ingar þess. Hún fer í gegnum ferli sem tengj­ast því að búa við ofbeld­is­sam­band, sjálfs­rétt­læt­ing­una sem fylgir því og erf­ið­leik­ana sem fylgja því að kom­ast út úr slíku sam­bandi og gera upp for­tíð­ina. Þrátt fyrir þung efn­is­tök er tón­listin einnig heilandi og full af von. Tvíeykið Hold­gervlar hita upp, en nýjasta tón­list­ar­mynd­band MSEA, „Winter bodies“, verður einnig frum­sýnt.

Föstudagspartísýning: Charlie’s Angels

Hvar? Bíó Paradís
Hvenær? 2. októ­ber kl. 20.00
Aðgangs­eyrir: 1.690 kr.

Charlie’s Angels-kvik­myndin frá árinu 2000 and­aði fersku lofti í seríu sem hafði legið í dvala í næstum tvo ára­tugi. Cameron Diaz, Drew Barrymore og Lucy Liu njóta sín sem englarnir þrír, hörku­kvendi og eðal­njósn­arar sem eru ítrekað van­metin í karllægu sam­fé­lagi. Myndin er stút­full af hasar­at­riðum og gríni.

Tréð

Hvar? Tjarn­ar­bíó
Hvenær? 3. októ­ber kl. 13.00
Aðgangs­eyrir: 3.100 kr.

Tréð er ein­læg fjöl­skyldu­sýn­ing um veru­leika flótta­barns­ins Alex, eftir leik­hóp­inn LaLaLab. Alex missir fjöl­skyldu sína í jarð­skjálfta en nær að bjarga sítrónu­tré þess. Hann leggur í langt ferða­lag og lendir í ýmsum hrak­förum við að finna sér og tré sínu nýtt heim­ili.

Í leit að töfrum

Hvar? Hafn­ar­húsið
Hvenær? 3. októ­ber kl. 12–17.30
Aðgangs­eyrir: Ókeypis!

Mynd­list­artvíeykið Libia Castro & Ólafur Ólafsson fékk til liðs við sig hóp ólíkra tón­skálda, inn­lendra og erlendra, tón­list­ar­fólks, sam­taka, aðgerð­ar­sinna og almennra borg­ara til þess að skapa í sam­starfi fjöl­radda tón­listar- og mynd­list­ar­gjörn­ing við allar 114 greinar nýju íslensku stjórn­ar­skrár­til­lagn­anna frá 2011.

Vestur í bláinn – lokafögnuður

Hvar? Iðnó
Hvenær? 3. októ­ber kl. 20.00
Aðgangs­eyrir: Ókeypis!

Vestur í blá­inn er fjöl­þætt tón­list­ar- og mynd­list­ar­verk­efni um inn­flytj­endur á Íslandi. Verk­efnið miðar að því að bjóða upp á rými fyrir alls konar og marg­vís­legar raddir, ólík tungu­mál og ólíkar sögur af fólki af fjöl­breyti­legum upp­runa. Á þessu loka­hófi verður tón­list verk­efn­is­ins flutt af hópi lista­manna.

Útlendingurinn

Hvar? Borg­ar­bíó
Hvenær? 2., 3., 4., 7., 8., 9., & 10. októ­ber
Aðgangs­eyrir: 6.950 kr.

Leik­sýn­ingin Útlend­ing­ur­inn er skand­in­av­ískt raun­sæ­is­glæpa­drama þar sem mál „Ísdals­kon­unnar“ er nálg­ast á frum­legan hátt og nýjar kenn­ingar dregnar fram í dags­ljósið. Annað verkið frá sama list­ræna teymi og setti upp verð­launa­sýn­ing­una Club Romantica, en það var fyrsti hluti þessa ráð­gátu­þrí­leiks.

Jeff who?, SKE

Hvar? Hard Rock Café
Hvenær? 10. októ­ber kl. 20.00
Aðgang­eyrir: 2.500 kr.

Rokk­ar­arnir í Jeff Who? gerðu garð­inn frægan með plöt­unni Death Before Disco. Sveitin hefur legið í dvala síð­asta ára­tug, en nú, fimmtán árum síðar, koma þeir aftur saman til að fagna útgáfu frumraunar sinnar. Búast má við öllum slög­ur­unum og háværu la-la-i frá áhorf­endum. Þeim til stuðn­ings hitar SKE upp.

Sunnefa

Hvar? Tjarn­ar­bíó
Hvenær? 10., 18. & 24. októ­ber kl. 20.00
Aðgangs­eyrir: 4.400 kr.

Sunnefa er kvennatví­leikur þar sem kafað er ofan í magn­aða sögu Sunnefu Jóns­dóttur, ungrar konu sem var tví­vegis dæmd til drekk­ingar snemma á átj­ándu öld. Hún var ásökuð um að eign­ast börn með bróður sínum en í rétt­ar­höld­unum hélt hún því fram að raun­veru­legur faðir barn­anna væri sýslu­mað­ur­inn sem sótti hana til saka.

Nánd í þremur þáttum

Hvar? Reykja­vík
Hvenær? 12.–18. októ­ber
Aðgangs­eyrir: Ókeypis!

Þessi sýn­ing Gígju Jóns­dóttur sam­anstendur af gjörn­ingum og inn­setn­ingum sem spretta upp á Hlemmi, Kringl­unni, Granda og Mjódd. Verkið kannar mörkin milli almanna- og einka­rýmis, tabúa og til­finn­inga og fagnar hinni sammann­legu þörf fyrir nánd á for­dæma­lausum tímum. Hinn 18. októ­ber kl. 15.00 fer síðan fram þátt­töku­gjörn­ingur á Arn­ar­hóli.

Höfundakvöld

Hvar? Norræna húsið
Hvenær? 14. októ­ber kl. 19.30
Aðgangs­eyrir: Ókeypis!

Verk Hanne Højgaard Viemose og Krist­ínar Eiríks­dóttur eiga ýmis­legt sam­eig­in­legt og því hefur Norræna húsið boðið þeim í spjall þar sem þær munu ræða verk sín, kyn og sjálfs­mynd. Verk Hanne eru hrá, laus við væmni og ger­ast í núinu, á meðan að Kristín skrifar um þrána eftir ást og skiln­ingi, bar­átt­unni á móti ein­angrun, ein­mana­leika, mis­notkun, ofbeldi og skelf­ingu.