Dagur B. Egg­erts­son borg­ar­stjóri hvetur Bolla Krist­ins­son verls­un­ar­mann til þess að flytja heim til Íslands og end­ur­nýja kynni sín af Reykja­vík.

Bolli keypti opnu­aug­lýs­ingu í Morg­un­blað­inu í morgun með titl­inum „Borg­ar­stjór­ann burt!“ þar sem hann sagði að Lauga­veg­ur­inn væri „auðnin ein“. „Þarna ræður mestu heft aðgengi með lok­unum gatna og fækkun bíla­stæða, en allt að 4000 stæði hafa verið tekin af okkur borg­ar­búum á síð­ustu árum.“ Bolli, sem er oft kenndur við tísku­vöru­verslun sem hann stofn­aði og nefndur Bolli í Sautján, birtir nítján atriða synda­lista Dags borg­ar­stjóra og borg­ar­stjórn­ar­meiri­hlut­ans og und­ir­ritar hann: Bolli Krist­ins­son, kaup­maður og Reyk­vík­ingur.

Lauga­veg­ur­innMyndin er tekin í ágúst í fyrra.

Mynd: Shutterstock / Valeriia Gabibova

„Við­skipta­vinir kom­ast ekki í bæinn og leita annað. Versl­anir og veit­inga­hús fá því engin við­skipti. Um þessar mundir eru yfir 30 versl­un­ar­pláss tóm við Lauga­veg­inn og gætu trú­lega orðið 50 í vetur. Þetta ástand verður ekki skrifað á neina far­sótt eða aukna net­verslun. Borg­ar­stjórn Reykja­víkur með Dag B. Egg­erts­son í broddi fylk­ingar ber fulla ábyrgð á því sem hér hefur átt sér stað,“ segir Bolli.

Í svari Dags kemur fram að Bolli búi í reynd á Spáni og hann hafi sjálfur verið leið­andi í rekstri tóms hús­næðis við Lauga­veg­inn. „Bolli Krist­ins­son sendir mér hlýjar kveðjur frá Spáni þar sem hann hefur búið mörg síð­ast­liðin ár - með keyptri opnu­aug­lýs­ingu í Mogganum,“ skrifar hann á Facebook-síðu sína. „Raunar var eina versl­un­ar­hús­næðið sem stóð autt í lengri tíma á upp­gangs­tímunum und­an­far­inna ára stór­hýsi Bolla sjálfs við ofan­verðan Laugaveg. Það var autt í sex ár þar til hann leigði það ágætri ferða­manna­verslun.“

Segir verslunarmiðstöðvar í vanda

Dagur dregur upp jákvæða mynd af þróun borg­ar­innar, ólíkt Bolla. „Á sama tíma blómstr­aði ekki aðeins Lauga­veg­ur­inn heldur gekk Hverf­is­gatan í end­ur­nýjun líf­daga, einsog allt svæði í kringum Hlemm og Hlemmur sjálfur, Hafn­ar­torg varð til, blóm­standi Kvosin breytti um svip og fjöldi frá­bærra veit­inga­staða marg­fald­að­ist. Verslun og við­skipti breidd­ust alla leið út á Granda með til­heyr­andi mann­lífi. Það er mik­il­vægt að missa ekki móð­inn þótt tíma­bundnir erf­ið­leikar komi með covid. Í heim­inum eru það ekki síst versl­un­ar­mið­stöðvar sem eiga undir högg að sækja vegna þess og auk­innar net­versl­unar en fal­legar og fjöl­breyttar mið­borgir með góðri blöndu af verslun, menn­ingu og veit­inga­stöðum draga að sér fólk og fyr­ir­tæki.“

Dagur bendir á að nú muni fast­eigna­eig­endur þurfa að lækka leigu, bæði í mið­borg­inni og utan hennar. Sem rök­semd gegn gagn­rýni Bolla segir Dagur að mið­borgin sé eft­ir­sóttasta svæði höf­uð­borg­ar­svæð­is­ins, enda er fast­eigna- og leigu­verð þar hæst. „Framtíð borg­ar­innar er björt!“ segir Dagur.

Loks vegur Dagur að nostal­gíu Bolla. „Þó það sé auð­velt að tengja til­finn­ing­ar­lega við þá hugsun að allt hafi verið best í gamla daga þá er það ekki endi­lega rétt. Sér­stak­lega ekki í Reykja­vík.“