Fréttir Bruninn á Bræðraborgarstíg

ASÍ kallar eftir rannsókn á brunanum: „Atvinnurekendur séu kallaðir til ábyrgðar“

Félagið HD verk, sem á húsið sem brann að Bræðra­borg­ar­stíg, á fleiri hús­eignir þar sem erlent verka­fólk hefur haft búsetu, meðal ann­ars fólk sem grunur lék á um að væri í haldið í vinnuman­sali hér á landi.

ASÍ kallar eftir rannsókn á brunanum: „Atvinnurekendur séu kallaðir til ábyrgðar“
Eiga fleiri hús­eignir sem hafa verið til skoð­unar Hús­eignir félags­ins HD verks, sem á húsið að Bræðra­borg­ar­stíg 1 þar sem bruni og mann­tjón varð í gær, hafa verið til skoð­unar af hálfu slökkvi­liðs, verka­lýðs­hreyf­ingar og fleiri opin­berra aðila vegna búsetu mik­ils fjölda erlends verka­fólks þar, við baga­legar aðstæður. Mynd: Davíð Þór
Birtist upphaflega í Stundinni fyrir 6 árum.

Alþýðu­sam­band Íslands (ASÍ) kallar eftir því að ítar­leg rann­sókn fari fram á aðdrag­anda og orsökum brun­ans í hús­inu að Bræðra­borg­ar­stíg 1. Líkur séu á að þeir sem skráðir eru til heim­ilis í hús­inu, alls 73 mann­eskjur, séu erlent verka­fólk sem atvinnu­rek­endur þeirra hafi útvegað þar hús­næði. Þrír eru látnir af völdum brun­ans og tveir liggja á gjör­gæslu. Alþýðu­sam­bandið segir að enn skorti á að atvinnu­rek­endur séu kall­aðir til ábyrgðar er hús­næði er óvið­un­andi.

Þetta kemur fram í yfir­lýs­ingu ASÍ þar sem aðstand­endum hinna látnu eru vott­aðar dýpstu sam­úð­ar­kveðjur. Þar segir einnig að verka­lýðs­hreyf­ingin hafi kallað eftir sam­hæfðum aðgerðum stjórn­valda til að tryggja aðbúnað erlends verka­fólks á Íslandi og koma í veg fyrir félags­leg und­ir­boð en enn skorti á að staðið sé við fyr­ir­heit Lífs­kjara­samn­ing­anna þar að lút­andi. „Sér­stak­lega hefur verka­lýðs­hreyf­ingin farið fram með kröfur til að tryggja aðbúnað verka­fólks sem dvelur í hús­næði á vegum atvinnu­rek­anda og að atvinnu­rek­endur séu kall­aðir til ábyrgðar ef hús­næði er óvið­un­andi.“

Húsið að Bræðra­borg­ar­stíg 1 er í eigu félags­ins HD verk ehf, sem aftur er í eigu félags­ins H2O ehf. Það félag á Kristinn Jón Gíslason að fullu. Stundin hefur ekki náð í Kristinn Jón í dag. HD verk á einnig húsið að Bræðra­borg­ar­stíg 3, þar sem rekið hefur verið gisti­heim­ili sem áður hefur verið til umfjöll­unar í Stund­inni. Þess ber þó að geta að þegar Stundin fjall­aði um gisti­heim­ilið að Bræðra­borg­ar­stíg árið 2015 var félagið HD verk ehf í eigu ann­arra aðila en Kristins Jóns.

Þá á félagið HD verk ehf einnig fast­eignir Dalvegi 24 og 26, Hjalla­brekku 1 og Kárs­nes­braut 96-A. Efling stétt­ar­fé­lag hefur haft húsið að Bræðra­borg­ar­stíg og einnig hús­næðið að Dalvegi til skoð­unar en þar munu starfs­menn starfs­manna­leigu sem áður hét Menn í vinnu hafa haft búsetu. Hið sama á við um hús­næðið að Hjalla­brekku en þar bjuggu fjöl­margir erlendir verka­menn, sem grunur lék á að væru hér á landi í vinnuman­sali hjá Mönnum í vinnu.

Kjósa
0
Hvernig finnst þér þessi grein? Skráðu þig inn til að kjósa.
Efnisorð

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.
Tengdar greinar

Bruninn á Bræðraborgarstíg

Mest lesið

„Margt sem ég hef séð situr í mér“
2
Viðtal

„Margt sem ég hef séð situr í mér“

Þegar Halla Bergþóra Björns­dóttir varð fyrst kvenna til þess að sinna lög­gæslu á Húsavík fékk hún að heyra að konur ættu ekk­ert erindi í lög­regl­una. Hún lét það ekki á sig fá, varð lög­reglu­stjóri og loks rík­is­lög­reglu­stjóri. Starfið hefur breytt henni, enda hefur hún komið að erf­iðum málum og fengið hót­anir. Á sama tíma hefur hún öðl­ast skarp­ari sýn á lífið, sterk­ari löngun til að gera gagn og fundið fyrir þakk­læti fyrir allt það góða.

Mest lesið

Mest lesið í vikunni

Mest lesið í mánuðinum

Mest lesið í mánuðinum

Nýtt efni

„Margt sem ég hef séð situr í mér“
Viðtal

„Margt sem ég hef séð situr í mér“

Þegar Halla Bergþóra Björns­dóttir varð fyrst kvenna til þess að sinna lög­gæslu á Húsavík fékk hún að heyra að konur ættu ekk­ert erindi í lög­regl­una. Hún lét það ekki á sig fá, varð lög­reglu­stjóri og loks rík­is­lög­reglu­stjóri. Starfið hefur breytt henni, enda hefur hún komið að erf­iðum málum og fengið hót­anir. Á sama tíma hefur hún öðl­ast skarp­ari sýn á lífið, sterk­ari löngun til að gera gagn og fundið fyrir þakk­læti fyrir allt það góða.

Mest lesið undanfarið ár