Bjarni Bendikts­son, fjár­mála- og efna­hags­ráð­herra, segir að lög um brú­ar­lán og frum­varp um stuðn­ings­lán setji skil­yrði um að félög sem tengj­ast lág­skatta­svæðum eða aflands­fé­lögum fái ekki aðstoð rík­is­ins.

Raunin er sú að hvorki brú­ar­lána­lögin né frum­varpið um stuðn­ings­lán girðir fyrir að fyr­ir­tæki sem not­færir sér skatta­skjól eða er með eign­ar­hald á lág­skatta­svæði fái rík­is­stuðn­ing­inn. Engin skil­yrði í þá veru er að finna í frum­vörp­unum og ekki er fjallað um neitt slíkt í grein­ar­gerðum og nefnd­ar­á­litum vegna laga­setn­ing­ar­innar.

Vísar Bjarni í að félögin hafi „ótak­mark­aða skatt­skyldu“ á Íslandi, en það hug­tak teng­ist því ekki hvort fyr­ir­tæki not­færi sér skatta­skjól eða hafi þar eign­ar­hald, ein­ungis því að skattar af af tekjum þeirra séu greiddir á Íslandi, hvaðan sem þær koma.

Oddný Harð­ar­dóttir, þing­maður Sam­fylk­ing­ar­innar og fyrr­ver­andi fjár­mála­ráð­herra, vakti athygli á skorti á þessum skil­yrðum undir liðnum óund­ir­búnar fyr­ir­spurnir á Alþingi í dag. „Hvergi er hins vegar minnst á skatta­skjól eða aflands­fé­lög,“ sagði hún í fyr­ir­spurn til Bjarna. „Við viljum ekki rétta þeim fjár­muni skatt­greið­enda sem hafa svikið undan skatti og ekki lagt sinn sann­gjarna hlut af mörkum til sam­eig­in­legra sjóða og ætla öðrum að bera sinn hlut í vel­ferð­ar­kerf­inu. Panama-skjölin sýndu að umfang afland­svæð­ingar íslensks efna­hags­lífs var ein­stakt í heim­inum á þeim tíma sem gögnin náðu til og við þekkjum sam­spil móður- og dótt­ur­fé­laga við lág­skatta­svæði og aflands­fé­lög.“

Bjarni sagði Oddnýju fara með rangt mál. „Við erum með slík skil­yrði. Slík skil­yrði voru skrifuð vegna brú­ar­lán­anna inn í samn­ing fjár­mála­ráðu­neyt­is­ins við Seðla­bank­ann þar sem það er gert að skil­yrði að þeir sem hyggj­ast sækj­ast eftir brú­ar­lán­unum hafi fulla og ótak­mark­aða skatt­skyldu á Íslandi. Sama skil­yrði er að finna í frum­varpi sem nú er til með­ferðar í efna­hags- og við­skipta­nefnd um stuðn­ings­lán,“ sagði hann.

Ótakmörkuð skattskyld á Íslandi ekki sama og bann við skattaskjólum

Oddný benti á að í öðrum löndum, meðal ann­ars Frakk­landi og Danmörku, séu þessi skil­yrði sett. „Það er rangt hjá hæst­virtum ráð­herra að það sé tryggt í frum­varpi rík­is­stjórn­ar­innar að fyr­ir­tæki í skatta­skjólum fái ekki stuðn­ing,“ svar­aði Oddný. „Hvergi eru þau skil­yrði sem girða fyrir að fyr­ir­tæki sem not­færa sér skatta­skjól eða eru með eign­ar­hald á lág­skatta­svæði fái stuðn­ing frá rík­inu. Sér­fræð­ingar hafa bent á þetta. Indriði H. Þor­láks­son, fyrr­ver­andi rík­is­skatt­stjóri, hefur tjáð sig í fjöl­miðlum og sagt að frum­varpið um stuðn­ings­lánin taki ekki á því með nokkrum hætti hvort fyr­ir­tæki sem fái rík­is­að­stoð not­færi sér skatta­skjól eða séu með eign­ar­hald í skatta­skjóli.“

„Frum­varpið tekur á engan hátt á því hvort fyr­ir­tæki not­færa sér skatta­skjól eða eru með eign­ar­hald í skatta­skjóli“

Vísaði hún þar í umfjöllun Stund­ar­innar um málið. „Þessi grein lag­anna og aðrar hafa að því er mér sýn­ist ekk­ert að gera með skatta­skjól,“ sagði Indriði um frum­varpið í frétt Stund­ar­innar. „Ótak­mörkuð skatt­skylda þýðir ein­fald­lega að við­kom­andi sé skatt­skyldur hér á landi af öllum tekjum sem hann aflar sér hvar sem er í heim­inum. Frum­varpið tekur á engan hátt á því hvort fyr­ir­tæki not­færa sér skatta­skjól eða eru með eign­ar­hald í skatta­skjóli.“

Bjarni sagð­ist að lokum þurfa að end­ur­taka það sem hann sagði í svörum til Oddnýjar. „Það sem ég hygg að hæst­virtur þing­maður sé að vísa til hér, og er afskap­lega óskýr í sinni fram­sögu um, er að slík fyr­ir­tæki sem eiga þá rétt á, ef þau eru með fulla og ótak­mark­aða skatt­skyldu á Íslandi, geta tengst öðrum aðilum sem hugs­an­lega eru með skatt­skyldu sína ann­ars staðar,“ sagði hann.

„Um þau mál fjalla meðal ann­ars sér­stakar reglur um skatt­skil á Íslandi sem hafa verið settar hér á Alþingi og tak­marka mögu­leika inn­lendra aðila til að njóta góðs af lægri skatt­pró­sentum á slíkum svæðum. Mér finnst sjálf­sagt að þetta sé skoðað nákvæm­lega í nefnd­ar­vinn­unni hér og það er bara rangt sem hæst­virtur þing­maður er að reyna að fleyta hérna út í kosmósið, að við höfum ekki hugað að þessu.“