„Ég kannast við mikið sem skrifað er þarna og mér þykir afar sorglegt að heyra að aðrar konur lentu í þessu en á sama tíma þykir mér gott að vita að ég er ekki „geðveik“ og var bara að rangtúlka allt,“ segir konan meðal annars, sem hafði samband við Stundina eftir að hafa lesið umfjöllun um starfshætti Kjartans Pálmasonar þerapista og ófaglega ráðgjöf hans við hjón sem leituðu til hans vegna vandamála í sambandi. Konan hafði mjög sambærilega sögu að segja. Stóri munurinn var hins vegar sá að í hennar tilfelli endaði ráðgjöfin með því að hjónabandi hennar til langs tíma lauk, með tilheyrandi sorg fyrir hjónin bæði og börn þeirra. Hún segir það hafa tekið fjölskylduna alla langan tíma að vinna sig út úr þeirri aðstöðu sem hún fann sig í í lok meðferðarinnar. Rétt eins og hinar konurnar sem blaðamaður Stundarinnar ræddi við kvartaði konan á sínum tíma …