Ráðgátan um náhvalinn skýrð

Náhvölum er einum dýra gefin bein skögul­tönn, ein tönn sem getur orðið allt að þrír metrar á lengd og er svo und­ar­leg að hún var seld sem töfr­andi ein­hyrn­ings­horn á mið­öldum.

Skögul­tenn­urnar hafa heillað vís­inda­menn allar götur síðan, en þær hafa reynst afar erf­iðar í rann­sókn þar sem þessir und­ar­legu, spik­feitir hvalir eyða mestum hluta ævi sinnar undir hafís norð­ur­slóða.

Náhvalir hafa sést við Ísland, en finn­ast þó sjaldan sunnan við 70 breidd­argráðu.

Í dag til­kynnti stór alþjóð­legur hópur vís­inda­manna að þeir hefðu leyst langvar­andi ráð­gátu um skögul­tenn­urnar: hvernig þær fá sitt ein­staka gorm­laga en þó örbeina form.

Vinstri víg­tönn karl­dýra náhvala vex í gegnum kjálka þeirra og efri vör og stendur út sem eina skögul­tönn dýra­rík­is­ins. Hægri víg­tönn þeirra er falin í höfð­inu.

„Ímyndaðu þér að þú þyrftir að hjóla með kúst­skaft fast á höfð­inu,“ sagði Henrik Birkedal, aðal­höf­undur rann­sóknar í Nature …