Heildarútgjöld hins opinbera í barnabætur nema tæplega 14 milljörðum króna, en það er 11 prósentum minna en útgjöldin sem runnu í málaflokkinn í fyrra. Þetta kemur fram í nýbirtu fjárlagafrumvarpi ríkisstjórnarinnar.
Minna greitt út þrátt fyrir hækkun greiðslna á mann
Í kynningu sinni á fjárlagafrumvarpinu fyrr í dag sagðist Bjarni Benediktsson fjármálaráðherra ætla að leggja til að greiðslur hvers og eins bótaþega verði hækkaðar á næsta ári, auk þess sem tekjuskerðingarmörkin verði hærri. Gangi þessar breytingar í gegn fengi einstætt foreldri með 375 þúsund á mánuði í launatekjur rúmar 82 þúsund króna á mánuði í barnabætur, í stað rúmra 75 þúsunda króna sem það fengi miðað við núverandi kerfi.
Þrátt fyrir þessar breytingar er ekki búist við að ríkissjóður muni verja meiri fjármunum í málaflokkinn, en gert er ráð fyrir að heildargreiðsla barnabóta muni nema 13,965 milljörðum króna á næsta ári. Þetta er nákvæmlega sama upphæð og var sett í málaflokkinn í ár, samkvæmt núgildandi fjárlögum.
Samkvæmt tekjuáætlun ríkisstjórnarinnar er hins vegar búist við að ríkissjóður muni alls greiða rúma 15 milljarða króna í barnabætur í ár, en heildargreiðslurnar námu 15,8 milljörðum króna í ár. Verði barnabótagreiðslurnar á næsta ári því í samræmi við fjárlagafrumvarpið munu þær því verða 11 prósentum lægri en þær voru árið 2020.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
fjárlagafrumvarp
Hallarekstur SÁÁ stefnir í 450 milljónir
Standa enn við að ekki verði ráðist í frekari sölu á hlutum í Íslandsbanka
Athugasemdir