Talsmenn bandaríska forsetaembættisins hafa staðfest að ferðabanni þeirra gagnvart löndum Schengen-samstarfsins verði viðhaldið um sinn, vegna útbreiðslu delta-afbrigðis kórónuveirunnar. Íslendingar munu því enn sem komið er ekki geta ferðast til Bandaríkjanna nema með sérstökum undanþágum.
Reuters sagði frá þessu í dag og vísaði til ónafngreindra heimildamanna sinna í Hvíta húsinu. Samkvæmt frétt miðilsins var fundað um málið fyrir helgi og ákveðið að ekki væri tímabært að lyfta neinum af núgildandi ferðatakmörkunum í Bandaríkjunum.
Evrópa bíður eftir að Bandaríkin opni sig
Ferðabannið gagnvart Schengen-ríkjum, sem Donald Trump fyrrverandi Bandaríkjaforseti skellti á í mars í fyrra, gildir nú einungis í aðra áttina og hefur óþreyja vaxið í Evrópu vegna þessa að undanförnu, en þann 18. júní ákvað leiðtogaráð Evrópusambandsins að byrja að leyfa Bandaríkjamönnum að ferðast til ríkja Evrópusambandsins.
[adspot]
Þá voru Íslendingar reyndar þegar búnir að bjóða bólusetta Bandaríkjamenn velkomna um nokkurra mánaða skeið, rétt eins og aðra bólusetta ferðamenn og voru Bandaríkjamenn rúmlega helmingur allra erlenda ferðamanna sem til landsins komu um Keflavíkurflugvöll í júnímánuði, samkvæmt tölum frá Ferðamálastofu.
Joe Biden Bandaríkjaforseti vakti nýlega vonir um að ferðabanninu yrði brátt aflétt af hálfu Bandaríkjanna. Í kjölfar fundar hans með Angelu Merkel Þýskalandskanslara um miðjan mánuðinn sagði hann að það væri til umræðu og að hann yrði fær um að svara spurningum um málið á komandi dögum.
Nú er ljóst að Bandaríkjastjórn þykir ekki tímabært að aflétta þeim hömlum á ferðalögum til landsins sem hafa verið í gildi. Því er alls óljóst enn hvenær Íslendingar og aðrir Evrópubúar geta heimsótt Bandaríkin án þess að hafa til þess sérstaka undanþágu.
Flugfélög bíða og vona
Bandarísk flugfélög eru sögð hafa beitt sér fyrir því að ferðabanninu yrði aflétt, en þeim hefur ekki orðið ágengt í þeirri hagsmunagæslu sinni.
Icelandair er einnig með væntingar um að það styttist í opnun Bandaríkjanna.
Haft var eftir Boga Nils Bogasyni forstjóra Icelandair Group í uppgjörstilkynningu á dögunum að vonir væru bundnar við að Bandaríkin myndu opna fyrir ferðalög frá Evrópu á þessum ársfjórðungi.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
Covid-19
Fleiri smitast af hinni banvænu Nipah-veiru
Heilbrigðisyfirvöld grípa til sóttkvíar eftir Nipah-smittilfelli á Indlandi
Veira dreifist hratt um Evrópu
Sérfræðingar vara við nýjum heimsfaraldri
Suður-Súdan glímir við versta kólerufaraldurinn í 20 ár
Athugasemdir