Ísland skrifar undir samning um aðgengi að bóluefni fyrir 235 þúsund manns

Ísland und­ir­rit­aði í dag samn­ing um bólu­efni frá lyfja­fram­leið­and­anum Janssen. Um er að ræða þriðja samn­ing íslenskra heil­brigð­is­yf­ir­valda um kaup á bólu­efnum við COVID-19, en hann tryggir bólu­efni fyrir 235 þús­und ein­stak­linga. Áður höfðu íslensk stjórn­völd gert samn­ing um bólu­efni frá Pfizer fyrir um 85 þús­und manns og Astra Zeneca fyrir um 115 þús­und manns.

Bóluefni Janssen, sem verður fram­leitt af lyfja­fram­leið­and­anum Johnson & Johnson, er í fasa III próf­unum og áformað er að Evrópsa lyfja­stofn­unin gefi út álit, sem er for­senda mark­aðs­leyfis fyrir efnið, í febr­úar 2021. Áætlað er að byrja afhend­ingu á þessu bólu­efni á þriðja árs­fjórð­ungi árs­ins 2021, sem hefst í júlí á næsta ári.

Í til­kynn­ingu frá heil­brigð­is­ráðu­neyt­inu segir að þátt­taka Íslands í sam­starfi Evr­ópu­þjóða um kaup á bólu­efnum í gegnum samn­inga fram­kvæmda­stjórnar Evr­ópu­sam­bands­ins tryggi Íslandi hlut­falls­lega sama magn bólu­efna og öllum öðrum þjóðum sem taka þátt í sam­starf­inu. „Fram­kvæmda­stjórnin kveður á um hve mikið ríkin fá og er þar alfarið byggt á hlut­falls­legri úthlutun miðað við höfða­tölu hverrar þjóðar. Heil­brigð­is­ráðu­neytið vinnur að loka­gerð samn­ings við lyfja­fram­leið­and­ann Moderna og er ráð­gert að und­ir­rita hann 31. des­em­ber næst­kom­andi.“

[adspot]Fyrsta bólu­efnið sem Ísland fær verður frá Pfizer. Samn­ingar við það fyr­ir­tæki voru und­ir­rit­aðir 9. des­em­ber síð­ast­lið­inn og Evrópska lyfja­stofn­unin veitti bólu­efn­inu skil­yrt mark­aðs­leyfi í gær. Ísland fær 170 þús­und skammta af bólu­efn­inu en hver ein­stak­lingur mun þurfa tvo skammta. Það dugar því fyrir 85 þús­und manns. Bólu­efnið frá Pfizer kemur þó ekki allt í einu hingað til lands. Stefnt er að því að afhend­ing hefj­ist fyrir árs­lok og að fyrsta send­ing verði tíu þús­und skammtar.

Bóluefni Moderna verður lík­ast til næst til að koma á markað. Fasa III próf­unum á því er lokið og áætlað er að Evrópska lyfja­stofn­unin haldi mats­fund vegna Moderna bólu­efn­is­ins 6. jan­úar næst­kom­andi. Ísland hefur ekki samið við Moderna en við­ræður eru í gangi og stefnt er á und­ir­ritun samn­ings á gaml­árs­dag. 

Astra Zeneca hefur líka lokið fasa III próf­unum. Virkni þess bólu­efnis er þó minni en hjá Pfizer og Moderna. ekki liggur fyrir hvenær Evrópska lyfja­stofn­unin mun gefa út álit á bólu­efn­inu, en stefnt er að því að byrja að afhenda skammta í Evrópu á fyrsta árs­fjórð­ungi 2021. Ísland fær, líkt og áður sagði, efni sem dugar fyrir 115 þús­und ein­stak­linga þaðan.