Starfsgreinasamband Íslands hefur samþykkt að höfða mál fyrir Félagsdómi. Þetta kemur fram í fréttatilkynningu frá sambandinu.
Í henni segir að SGS harmi þá afstöðu Samninganefndar Sambands íslenskra sveitarfélaga, að neita að ganga til kjarasamningsviðræðna um hvernig ná megi fram jöfnuði milli almenna og opinbera lífeyriskerfisins, sérstaklega hvað félagsmenn aðildarfélaga SGS og almennt verkafólk í þjónustu sveitarfélaganna varði, líkt og samið hafi verið um í kjarasamningum 7. júlí 2009.
[adspot]
„Nú þegar hefur stærsta sveitarfélag landsins ákveðið að efna samkomulag aðila fyrir sitt leiti en önnur þverskallast við og neita einfaldlega að ganga til viðræðna um jöfnun lífeyrisréttinda starfsmanna sinna á þeirri forsendu að þau hafi aldrei undirgengist slíka skyldu.
SGS hafnar þeirri afstöðu alfarið enda ráð gert fyrir þessari óefndu jöfnun í öllum forsendum og útreikningum aðila eftir 2009,“ segir í tilkynningunni.
Formannafundur SGS samþykkir því að sambandið muni höfða mál fyrir Félagsdómi þar sem látið verður reynt á túlkun samningsákvæðisins frá 2009 um skyldu sveitarfélaga til þess að ganga til kjarasamningsviðræðna um jöfnun lífeyrisréttinda.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
Kjaramál
Sólveig Anna Jónsdóttir
Nokkur orð í aðdraganda verkfallsaðgerða
Efling í verkfall á morgun
Stefán Ólafsson
Leiðrétting Eflingar færir borgina að markaðslaunum
Verkfallsaðgerðir munu fyrst og fremst hafa áhrif á þjónustu leikskóla í Reykjavík
BSRB gefur ríki og sveitarstjórnum gula spjaldið
Athugasemdir