Segja SÞ munu fordæma aukna landnotkun vegna landbúnaðar

Vís­inda­menn og stjórn­mála­menn á umhverf­is­þingi Sam­ein­uðu Þjóðanna eru sagðir und­ir­búa skýrslu þar sem eyð­ing skóga og fram­ræs­ing mýra til land­bún­aðar eru harð­lega gagn­rýndar. Þetta kemur fram í frétt á vef BBC.

Samkvæmt frétt­inni mun skýrsla umhverf­is­þings­ins verða til­búin seinna í vik­unni og mun hún verða ein áreið­an­leg­asta skýrsla sem gerð hefur verið um áhrif land­nýt­ingar á lofts­lags­mál. Vís­inda­menn­irnir sem eru á þing­inu vilja meina að jarð­ar­búar muni standa frammi fyrir erf­iðum ákvörð­unum í náinni fram­tíð þar sem margar neyslu­vörur, líkt og plast, timbur og mat­vörur, muni krefj­ast auk­ins lands til rækt­unar.

[adspot]

Fram­ræs­ing mýra verður stórt umfjöll­un­ar­efni skýrsl­unnar, að mati BBC. Skýrslu­höf­undar telja að verndun vot­lendis sé nauð­syn­legur liður í bar­átt­unni gegn hnatt­rænni hlýnun, auk vernd­unar nátt­úru­legra skóga og minnkun kjöt­neyslu. Ráð­legg­ingar höf­und­anna fela einnig í sér að kenna hálfum millj­arð bænda vist­vænni teg­undir af land­nýt­ingu.